14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
«Հայ Առաքելական եկեղեցու վրա հարձակումները խիստ մտահոգիչ են»․ Լավրով
Քաղաքականություն
30.06.2025 | 12:13
«Հայ Առաքելական եկեղեցու շուրջ հակամարտությունը պետք է լուծվի, Ռուսաստանը շահագրգռված է, որ այն չենթարկվի անհիմն հարձակումների»,- այս մասին հայտարարել է ՌԴ արտաքին գործերի նախարար Սերգեյ Լավրովը ՀԱՊԿ ԱԳ նախարարների խորհրդի նիստից հետո լրագրողների հետ զրույցում, գրում է ՏԱՍՍ-ը։
«Թեման քննարկվել է, լուրջ մտահոգություններ ենք հայտնել Հայաստանում տեղի ունեցող իրադարձությունների վերաբերյալ։ Հասկանալի է, որ սա մեր հարևանների ներքին հարցն է, բայց հազարամյա Հայ Առաքելական եկեղեցու վրա հարձակումները խիստ մտահոգիչ են։ Եկեղեցին ավանդաբար միշտ եղել է հայ հասարակության հիմնական հենասյուներից մեկը, և մենք չէինք ցանկանա, որ այդ եկեղեցին ենթարկվի անհիմն հարձակումների։ Եվ մենք շահագրգռված ենք այս հակամարտության, այս իրավիճակի հնարավորինս շուտ լուծմամբ՝ Հայաստանի Սահմանադրության, հավատացյալների իրավունքների և, ըստ էության, ցանկացած այլ մարդու իրավունքների լիակատար հարգանքի հիման վրա»,- ասել է Լավրովը։
Նա նշել է, որ հայ հասարակության մեջ «եկեղեցու պաշտպանության շարժումը շատ լուրջ է, որը հիմնված է խորը ավանդույթների վրա»։
Թարգմանությունը՝ Էմմա Չոբանյանի
