Այսօր լրացավ Սերժ Սարգսյանի պաշտոնավարման ժամկետն ու նախագահի լիազորություններն անցան Հայաստանի չորրորդ նախագահ Արմեն Սարգսյանին։ Տեղյա՞կ են արդյոք քաղաքացիներն այս փոփոխությունից և ի՞նչ ակնկալիքներ ունեն Արմեն Սարգսյանից։ Մանրամասները՝ տեսանյութում։ Լիլիթ Շաբոյան

Նախագահ Արմեն Սարգսյանը Հայաստանի Հանրապետության նախագահի պաշտոնի ստանձնման հանդիսավոր արարողությունից անմիջապես հետո պաշտպանության նախարար Վիգեն Սարգսյանի ուղեկցությամբ այցելել է «Եռաբլուր» զինվորական պանթեոն` հարգանքի տուրք մատուցել ՀՀ Ազգային հերոս Վազգեն Սարգսյանի և Հայրենիքի անկախության համար իրենց կյանքը զոհաբերած հայորդիների հիշատակին:   Այս մասին տեղեկացնում են ՀՀ նախագահի աշխատակազմի հասարակայնության հետ կապերի բաժնից:

Հինգ տարի առաջ՝ 2013 թվականի փետրվարի 18-ին տեղի ունեցած նախագահի ընտրություններում ժողովրդի հաստատակամ վստահության քվեն ստացավ Րաֆֆի Հովհաննիսյանը։ Ինչպես նախորդ, այնպես էլ 2013-ի ընտրությունների ժամանակ ԿԸՀ-ի եւ վարչախմբի կեղծարարության արդյունքում չամրագրվեց ժողովրդի կամքը, փոխարենը հաղթանակը գողացվեց ու շնորհվեց Սերժ Սարգսյանին։ Գողացվեց ոչ թե նախագահությունը, այլ Նոր Հայաստանի հնարավորությունը՝ կառավարման նոր քաղաքացիակենտրոն համակարգով եւ ինքնիշխան որոշումներով. …

Մինչ օրս նախագահականից ստացվող բոլոր հաղորդագրություններում «Հայաստանի Հանրապետության Նախագահ» բառակապակցության բոլոր բառերը գրվում էին մեծատառով:  ՀՀ 4-րդ նախագահ Արմեն Սարգսյանի գործունեությունը նկարագրող  հաղորդագրություններում նախագահ բառը գրված է փոքրատառով: Հավանաբար, այսուհետ մեծատառով կգրվի վարչապետ բառը:

Այսօր առավոտյան ակտիվիստ Վարդգես Գասպարին նորընտիր նախագահ Արմեն Սարգսյանի հայրական տան հարևանությամբ՝ Դեմրիճյան 26 շենքի մոտ, բողոքի ակցիա էր իրականացնում։ Ոստիկանները, սակայն, նրան ուժով հեռացրին՝ պատճառաբանելով, թե նա խանգարում է մարդկանց ելումուտին և թե բնակիչներից բողոքել են։

Հայաստանի Հանրապետության նախագահի պաշտոնը ստանձնելու առթիվ Արմեն Սարգսյանին շնորհավորական ուղերձ է հղել Մեծ Բրիտանիայի և Հյուսիսային Իռլանդիայի Միացյալ Թագավորության Թագուհի Եղիսաբեթ Երկրորդը. տեղելացնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը: Ուղերձում ասված է. «Կցանկանայի իմ անկեղծ շնորհավորանքները հղել Ձեզ Հայաստանի Հանրապետության Նախագահի պաշտոնը ստանձնելու կապակցությամբ: Իմ ջերմ բարեմաղթանքներն եմ հղում Ձեզ և …

«Քաղաքացիական պայմանագիր» կուսակցության վարչության անդամ Նիկոլ Փաշինյանն ու իր աջակիցները փակում են արագաչափ տեսախցիկները։ Փաշինյանի խոսքով՜ ակցիան կոչվում է «Անտիսաշիկ2» և այն կատարվում է հաջակցություն քաղաքացիական ակտիվիստ Վարգես Գասպարիի, որին այսօր ուժով հեռացրել էին նորընտիր նախագահ Արմեն Սարգսյան տան մոտից և իրենց կուսակցության անդամ Արփի Դավոյանի, որի տան դիմաց, հիշեցնենք, այսօր գլխատված ծիտ էին թողել։ …

«Հայաստանին լավ ապագա է սպասվում»,- այսօր Արմեն Սարգսյանի երդմնակալությունից հետո լրագրողների հետ զրույցում «Ազգային միաբանություն» կուսակցության նախագահ Արտաշես Գեղամյանը՝ այս անգամ արդեն գովեստի խոսքերը շռայլելով նաև Արմեն Սարգսյանին։ Նա չցանկացավ անդրադառնալ Սերժ Սարգսյանի վարչապետության դեմ ընդդիմության պայքարին՝ ասելով, թե չի ցանկանում իմաստազրկել այդ «սուրբ օրը»։ Factor.am-ի հարցին, արդյոք այսօր պարոն Գեղամյանի համար սուրբ օր է, …

Առողջապահության նախարար Լևոն Ալթունյանը պատասխանելով լրագրողների այն հարցին, թե ինչ է կարծում, արդյոք կվերանշանակվի իր պաշտոնում, ասաց․ «Ես չեմ կարծում, ես գնում եմ աշխատանքի՝ աշխատելու»։ Նախարարը չցանկացավ նշել, թե ինչ դրական քայլեր է կատարել իր պաշտոնավարման ընթացքում․ «Դրական արդյունքները պետք է գնահատեն ղեկավարները և ժողովուրդը»։ Իսկ հարցին, թե ինչու են իրեն շատ քննադատում արձագանքեց՝ հարցրեք …