Հանրապետության նախագահ Արմեն Սարգսյանն ապրիլի 26-ի երեկոյան շարժման առաջնորդ Նիկոլ Փաշինյանի հետ ունեցած հանդիպումից հետո, շարունակում է խորհրդակցությունների շարքը ներքաղաքական լարվածությունը թուլացնելու և լուծումներ գտնելու նպատակով:  Նախագահ Սարգսյանը հանդիպումներ է ունեցել նաև Հայաստանի Հանրապետական կուսակցության նախագահ Սերժ Սարգսյանի և ՀՀԿ փոխնախագահ Կարեն Կարապետյանի հետ:  Հանդիպումները կրում են կառուցողական բնույթ: Հանրապետության նախագահը հույս ունի, որ համատեղ …

Factor.am-ի տեղեկություններով՝ ԲՀԿ առաջնորդ Գագիկ Ծառուկյանը Մոսկվայից վերադառնալուց հետո հայտարարություն է անելու: «Ծառուկյան» խմբակցությունում շրջանառվող տեղեկություններով, Գագիկ Ծառուկյանը որոշել է առաջադրվել որպես վարչապետի «այլընտրանքային» թեկնածու: Այս և ներքաղաքական այլ հարցերի շուրջ ներկայացնում ենք մեր զրույցը ՌԱՀՀԿ ղեկավար, քաղաքագետ Մանվել Սարգսյանի հետ: -Պարոն Սարգսյան, Գագիկ Ծառուկյանը Մոսկվայից վերադառնալով՝ այսօր հայտարարություն է անելու: Ի՞նչ կարելի է սպասել, …

ԵԱՀԿ մշտական խորհրդի ապրիլի 26-ի նիստում Եվրոպական միությունը ներկայացրել է իր դիրքորոշումը «Հայաստանում ժողովրդավարական գործընթացների վերաբերյալ». տեղեկացնում է ՀՀ ՄԻ պաշտպանի գրասենյակը: ԵՄ-ն ողջունել է ՀՀ մարդու իրավունքների պաշտպանի աշխատակազմի աշխատանքը ոստիկանության բաժիններ այցերի, բողոքների քննարկման և քաղաքացիների հետ առանձնազրույցների առնչությամբ՝ կարևորելով խոսքի ու կարծիքի, ինչպես նաև միավորումների ու խաղաղհավաքների հիմնարար ազատությունները:  

Տեղեկացնում ենք, որ կիբերգրոհի փորձեր են արվել primeminister.am դոմեյնի նկատմամբ, և  նշված դոմեյնով կեղծ էլեկտրոնային հասցեներից  կարող են ուղարկվել նամակներ՝ վիրուս պարունակող կից նյութերով:  Նշված դոմեյնից հաղորդագրություններ ստանալու դեպքում՝ առաջարկում ենք չբացել դրանք կամ պարզապես ջնջել: Խնդիրը մասնագետների ուշադրության կենտրոնում է, այդուհանդերձ, բոլորին խնդրում ենք զգոն լինել:

Ընդդիմադիր քաղաքական գործիչ Նիկոլ Փաշինյանն իր հերթական գրառումն է արել սոցիալական ցանցում.   «Քիչ առաջ Էջմիածնում հանդիպում ունեցա Ամենայն հայոց կաթողիկոս Գարեգին Բ-ի հետ։ Քննարկեցինք երկրում ստեղծված իրավիճակը և լուծման ուղիները»:

Այսօր՝ ապրիլի 28-ին, Մարդու իրավունքների պաշտպանի որոշմամբ արագ արձագանքման խումբ է գործուղվել Վանաձոր այդ քաղաքում նախատեսվող հանրահավաքի կապակցությամբ: Այս մասին տեղեկացնում են ՄԻՊ գրասենյակից: Եվս մեկ անգամ տեղեկացնենք, որ քաղաքացիները Վանաձոր, ինչպես նաև Իջևան քաղաքում նախատեսվող հանրահավաքների ժամանակ ահազանգ ունենալու դեպքում կարող են զանգահարել Պաշտպանի թեժ գծի 116 անվճար հեռախոսահամարին։

ԱՄՆ-ի Կոնգրեսի Հելսինկյան հանձնաժողովում կայացել են լսումներ Հայաստանում ընթացող վերջին զարգացումների վերաբերյալ: Հրավիրված բանախոսներն էին վերլուծաբաններ Սթեֆան Նիքսն ու Էլեն Աղեքյանը. տեղեկացնում է amerikayidzayn.com-ը: «Անկախ նրանից, թե մենք այս շարժումը կոչենք գունավոր հեղափոխություն կամ ուղակի հեղափոխություն, այն միանշանակ ազատության, ընտրություն ունենալու իրավունքի ու ազատ կամքի արտահայտման վառ դռսևորում է: Հենց սա է ժողովրդավարության բնույթը»,- հայտարարել է …