ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 26-ին՝ ժամը 09:30-ի դրությամբ, Ճամբարակի, Թալինի, Իջևանի, Աշոցքի, Ջերմուկի, Գավառի, Արթիկի, Արագածի, Ապարանի, Ստեփանավանի, Ախուրյանի, Կոտայքի տարածաշրջանների ավտոճանապարհներին, Թալին-Մաստարա-Ախուրյան ճանապարհահատվածում, Դիլիջանի ոլորաններում և Սարավանի լեռնանցքում ձյուն է տեղում: Դիլիջանի ոլորանները առատ ձյան և խիտ մառախուղի պատճառով ծանրաքաշ և կցորդիչով տրանսպորտային միջոցների համար փակ են: …

Վարչապետ Նիկոլ Փաշինյանը Հայաստանի ֆուտբոլի ֆեդերացիայի նախագահ Արթուր Վանեցյանի ուղեկցությամբ այցելել է Ավանի ֆուտբոլի ակադեմիա: Վարչապետը շրջայց է կատարել ակադեմիայով, ծանոթացել այստեղ ստեղծված պայմաններին ու առկա ենթակառուցվածքներին: ՀՖՖ ղեկավարները Նիկոլ Փաշինյանին են ներկայացրել մեր երկրում ֆուտբոլի զարգացման ուղղությամբ իրականացվող և առաջիկայում նախատեսվող ծրագրերը: Ինչպես տեղեկացնում են Կառավարության լրատվական ծառայությունից, կառավարության ղեկավարը հանդիպել է ֆուտբոլի Հայաստանի …

Այսօր՝ մարտի 26-ին մեկնարկել է ՀՀ Ազգային ժողովի հերթական քառօրյան: Մարտի 25-ին տեղի է ունեցել ԱԺ Խորհրդի նիստը, որում քննարկվել և հաստատվել են Ազգային ժողովի յոթերորդ գումարման երկրորդ նստաշրջանի օրակարգում լրացումներ կատարելու մասին և մարտի 26-ին գումարվող հերթական նիստերի օրակարգի նախագծերը, սահմանվել հերթական նիստերի օրակարգային հարցերի քննարկման հաջորդականությունը և տևողությունը: Ազգային ժողովի յոթերորդ գումարման երկրորդ …

ՀՀ վարչապետ Նիկոլ Փաշինյանն այսօր՝ մարտի 26-ին մասնակցում է Գիտությունների ազգային ակադեմիայի տարեկան ընդհանուր ժողովին: ՀՀ ԳԱԱ 2018 թվականի գիտական գործունեության հիմնական արդյունքների մասին զեկուցումով հանդես կգա ԳԱԱ նախագահ, ակադեմիկոս Ռադիկ Մարտիրոսյանը, իսկ Ակադեմիայի գիտակազմակերպական գործունեության մասին կզեկուցի ԳԱԱ ակադեմիկոս-քարտուղար, թղթակից անդամ Հրանտ Մաթևոսյանը:

Մարտի 25-ին՝ Վազգեն Սարգսյանի անվան «Հանրապետական» մարզադաշտում, կայացավ Հայաստանի ազգային հավաքականի նախախաղային մարզումը, որի տեսանյութը ներկայացնում ենք ստորև:  

ՀՀ արտակարգ իրավիճակների նախարարության «911» ծառայությունը մարտի 25-ին, ժամը 16:59-ին տեղեկություն է ստացել, որ Սյունիքի մարզի Կապան քաղաքի Սպանդարյան փողոցի թիվ 1Ա շենքի մոտակա բլուրից տեղի է ունեցել քարաթափում. անհրաժեշտ է օգնություն: Դեպքի վայր են մեկնել ԱԻՆ փրկարար ծառայության հրշեջ-փրկարարական ջոկատի օպերատիվ խումբը և մեկ մարտական հաշվարկ: Պարզվել է, որ տեղի է ունեցել մոտ 5 …

Գոլանի բարձունքների մասին ԱՄՆ-ի նախագահի սկանդալային գրառումն իրարանցում է առաջացրել ոչ միայն թուրքերի, այլև Սիրիայի  և  Իրաքի թուրքմենների շրջանում։ Ինչպես փոխանցում է  ermenihaber.am-ը, վերջիններս, ինչպես հայտնի է, վայելում են Անկարայի աջակցությունը։ Օրերս Թրամփը Twitter-ում գրել էր. «52 տարի անց եկել է ժամանակը, որ ԱՄՆ-ն լիարժեք ճանաչի Իսրայելի իշխանությունը Գոլանի բարձունքներում: Դրանք չափազանց կարևոր ստրատեգիական նշանակություն …

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 25-ին՝ ժամը 21:30-ի դրությամբ, ձյան տեղումների պատճառով Դիլիջանի ոլորանները ծանրաքաշ և կցորդիչով տրանսպորտային միջոցների համար փակ են: ՀՀ միջպետական և հանրապետական նշանակության մյուս ավտոճանապարհները բաց են:

ՀՀ արտակարգ իրավիճակների նախարար Ֆելիքս Ցոլակյանը մարտի 25-ին ընդունել է Հայաստանում Կարմիր Խաչի միջազգային կոմիտեի (ԿԽՄԿ) պատվիրակության հայաստանյան գրասենյակի ղեկավար Քլեյ Մեյթրոնին: Ինչպես տեղեկացնում են նախարարության լրատվական ծառայությունից, Կարմիր Խաչի Միջազգային Կոմիտեի նախաձեռնությամբ կազմակերպված հանդիպման նպատակն էր քննարկել համատեղ կյանքի կոչված ծրագրերը և հետագա համագործակցության ուղիները: Ողջունելով հյուրին՝ նախարարը կարևորեց Կարմիր Խաչի Միջազգային Կոմիտեի պատվիրակության …

Վարչապետ Նիկոլ Փաշինյանը պաշտոնից ազատել է էներգետիկ ենթակառուցվածքների և բնական պաշարների նախարարի տեղակալ Տիգրան Արզումանյանին։