Կորոնավիրուսը սննդից չի փոխանցվում մարդկանց, այստեղ մտահոգվելու բան չունենք: Factor.am-ի հետ զրույցում այս մասին ասաց Սննդի անվտանգության տեսչական մարմնի ղեկավար Գեորգի Ավետիսյանը: «Պարզապես մենք միջոցառումներ ենք ձեռնարկում և ուղեցույց ենք պատրաստել, որ մարդիկ, ովքեր աշխատում են հանրային սննդի ոլորտում, հիմնական շփման տեղերում, ունենան համապատասխան գործելաոճ և թույլ չտան, որ մակերեսի միջոցով ու մարդուց մարդուն անցնի …

Համագործակցում ենք առողջապահության նախարարության հետ՝ կիրակի հատուկ չվերթով Հայաստանի քաղաքացիների Երևան տեղափոխումը կազմակերպելու համար: Factor.am-ի հետ զրույցում այս մասին ասաց Քաղաքացիական ավիացիայի կոմիտեի նախագահ Տաթևիկ Ռևազյանը: Նա նշեց, որ եթե կարիք լինի, այլ հատուկ չվերթներ էլ կկազմակերպեն: Երևանից իրականացվող ավիաչվերթների դադարեցման մասին հարցին ի պատասխան՝ Տաթևիկ Ռևազյանը նշեց, որ առայժմ թռիչքները դադարեցրել է միայն Ryanair-ը: …

ԿԳՄՍ նախարար Արայիկ Հարությունյանը դժվարանում է ասել, թե կորոնավիրուսի հետ կապված՝ որքան ժամանակ փակ կմնան հանրապետության ուսումնական հաստատությունները: «Որոշումները կկայացվեն, կասենք»,- Factor.am-ի հետ զրույցում ասաց նախարարը: Հիշեցնենք, որ երեկ երեկոյան հայտարարվեց կորոնավիրուսով վարակման 2 նոր դեպքի մասին, ինչից հետո Արայիկ Հարությունյանը ֆեյսբուքյան ուղիղ եթերում հայտնեց, որ երկրի ուսումնական հաստատություններում դասերը դադարեցվում են: Մանրամասները՝ տեսանյութում:

Հայաստանում այս պահին մոտ 1 մլն դիմակ կա։ Կորոնավիրուսի տարածումը կանխարգելող աշխատանքները համակարգող հանձնաժողովի նիստից առաջ Factor.am-ի հետ զրույցում հայտնեց Տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը։ «Հանրապետությունում բավականաչափ կա, ուղղակի թանկ գնով են ձեռք բերել, այդ պատճառով գինը թանկացել է, իսկ խոշոր դեղատները ձեռք չեն բերում թանկ գնով։ Եթե պետության կարիքիների համար լրացուցիչ …

Կառավարությունն այսօր Կորոնավիրուսի տարածումը կանխարգելելու աշխատանքները համակարգող հանձնաժողովի նիստ է հրավիրել։ Նիստից առաջ Factor.am-ի հետ զրույցում Սփյուռքի հանձնակատար Զարեհ Սինանյանն ասաց՝ ոչ մի խուճապ, դիմումներ չկան։ «Բացառությամբ՝ Իտալիայի։ Գիտեք, որ թռիչք է լինելու կիրակի օրը։ Այնտեղ գտնվող ՀՀ քաղաքացիներից ով ցանկություն է հայտնել, դիմել է, կիրակի օրը կգան Հայաստան: Այս պահին նրանց թիվը 100-ից ավելի …

Կորոնավիրուսի տարածումը կանխարգելող աշխատանքները համակարգող հանձնաժողովը նիստ է գումարել՝  վարչապետ Նիկոլ Փաշինյանի գլխավորությամբ: Հիշեցնենք, որ նիստի մասին երեկ երեկոյան ֆեյսբուքյան ուղիղ եթերում տեղեկացրել էր վարչապետը՝ նշելով նաև, որ դադարեցնում է արձակուրդը, ինչպես նաև որոշ ժամանակով հետաձգվում են հանրաքվեի քարոզարշավի միջոցառումները:

Ճանապարհային ոստիկանության ճանապարհապարեկային ծառայության բաժնի և ուղեկցող հատուկ վաշտի ծառայողները մարտի 11-ին ուժեղացված ծառայություն են իրականացրել ՀՀ մայրաքաղաքում՝ հայտնաբերելով ճանապարհային երթևեկության տարբեր կանոնների 4 տասնյակից ավելի խախտում։ Ինչպես  տեղեկացրին ՀՀ ոստիկանության հասարակայնության հետ կապերի և լրատվության վարչությունից, 6 մեքենա շահագործվել է առանց ԱՊՊԱ պայմանագրի, մեկը՝ առանց համարանիշերի, երկուսը՝ ժամկետանց համարանիշերով։ Երկու վարորդի նկատմամբ վարչական իրավախախտման …

Եվրոպայի առաջնությունը 2021 թվական տեղափոխելու մասին պաշտոնական հայտարարություն կանի: Ինչպես փոխանցում է L’Equipe-ը՝ ավելացնելով, որ հայտարարությունը կարվի մարտի 17-ին կայանալիք կոնֆերանսի ժամանակ: Նաև ՈՒԵՖԱ-ն կարող է հայտարարել ազգային առաջնությունները ընդհատելու մասին: Մարտի 17-ին կայանալիք կոնֆերանսին մ,ասնակցելու են ՈՒԵՖԱ-ի 55 ասոցիացիաների ներկայացուցիչները: Միջոցառումը տեղի է ունենալու տեսակոնֆերանսի միջոցով:

Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ մարտի 15-ից Սիրիայում ՀՀ դեսպանությունը ժամանակավորապես սահմանափակում է քաղաքացիների հյուպատոսական ընդունելությունը: «Միևնույն ժամանակ հորդորում ենք Սիրիայում գտնվող ՀՀ քաղաքացիներին (ռեզիդենտ) կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /մարզ, քաղաք/ …

ՀՀ ՊՆ-ից տեղեկացնում են, որ Հայաստանի Հանրապետությունում նոր կորոնավիրուսային վարակի արձանագրված դեպքերով պայմանավորված, ՀՀ զինված ուժերում, ի շահ զինծառայողների առողջական վիճակի և հնարավոր բարդություններից խուսափելու համար, դեռևս շարունակվում են իրականացվող կանխարգելիչ և հակահամաճարակային միջոցառումները: Հաշվի առնելով վերոնշյալը և նպատակ ունենալով կանխել վարակի ներթափանցումը ՀՀ զինված ուժեր՝ հորդորում ենք. հնարավորինս սահմանափակել այցելությունները ՀՀ պաշտպանության նախարարության ենթակա …