Վարչապետ Նիկոլ Փաշինյանը շնորհավորական ուղերձ է հղել Նորվեգիայի Թագավորության վարչապետ Էռնա Սոլբերգին Սահմանադրության օրվա կապակցությամբ: Ուղերձում, մասնավորապես, ասված է. «Ջերմորեն շնորհավորում եմ Ձեզ և Նորվեգիայի բարեկամ ժողովրդին Նորվեգիայի Թագավորության ազգային տոնի՝ Սահմանադրության օրվա կապակցությամբ։ Ջերմությամբ եմ հիշում Մյունխենի անվտանգության համաժողովի շրջանակում մեր ունեցած հանդիպումը, որի ժամանակ հաճելի զրույց ունեցանք: Հայաստանը շահագրգռված է Նորվեգիայի հետ բարեկամական կապերի …

Քարաթափման վտանգի կանխման աշխատանքներով պայմանավորված՝ Երևանում մի շարք փողոցներ փակ կլինեն: Այս մասին տեղեկանում ենք Երևանի քաղաքապետարանի ֆեյսբուքյան էջից: «Ժամանակավորապես փակ կլինեն Մյասնիկյան-Հերացի միակողմանի և Սարալանջի շրջանցիկ ճանապարհի՝ Արմենակյան-Գլինկա փողոցների հատվածները: Քարաթափման վտանգի կանխման աշխատանքներով պայմանավորված՝ ս.թ. մայիսի 17-ին՝ ժամը 07:00-ից փակ կլինի Մյասնիկյան փողոցից դեպի մայրաքաղաքի կենտրոն իջնող Հերացի փողոցի միակողմանի ճանապարհը։ Նույն օրը, …

ԱՄՆ նախագահ Թրամփը շարունակում է պնդել դավադրության մի տեսություն, ըստ որի՝ Օբաման կանգնած է 2016 թվականի Ռուսաստանի ներգրավվածության մասին հետաքննության հետևում: Թրամփն այն որակել է «Օբամագեյթ»: Այս մասին հաղորդում է «Ամերիկայի ձայնը»: ԱՄՆ նախագահ Թրամփն այս օրերին կրկին թիրախավորեց իր նախորդին՝ նախկին նախագահ Բարաք Օբամային: Իր գրառման մեջ դավադրության այս տեսությունը նա որակեց «Օբամագեյթ» Նախկինում …

Նոր կորոնավիրուսի դեմ  պատվաստանյութը Ռուսաստանում կարող է թողարկվել ամռան վերջին: ՌԻԱ Նովոստիի փոխանցմամբ՝ այս մասին հայտնել է Գամալեայի անվան համաճարակաբանության և միկրոկենսաբանության ազգային հետազոտական կենտրոնի տնօրեն Ալեքսանդր Գինցբուրգը: Նա նշել է, որ դեռ շուրջ մեկ ամիս է հարկավոր նախակլինիկական փորձարկումների համար, ինչից հետո Առողջապահության նախարարությունը թույլ կտա պատվաստանյութը փորձարկել մարդկանց վրա: Գինցբուրգն ընդգծել է, որ …

Արցախում կորոնավիրուսի դեպքերի թիվն ավելացել է 4-ով: Վարակվածների ընդհանուր թիվն այսպիսով ԱՀ-ում 28-ն է: Այս մասին տեղեկանում ենք Արցախի տեղեկատվական շտաբից։ «Արցախի Հանրապետության առողջապահության նախարարության փոխանցմամբ` ստացվել են նոր կորոնավիրուսային վարակի ախտորոշման նպատակով նախօրեին ՀՀ ուղարկված 30 փորձանմուշի հետազոտության պատասխանները, որոնց համաձայն՝ 26 քաղաքացու փորձանմուշների հետազոտության արդյունքները բացասական են: Նոր կորոնավիրուսի վարակը հաստատվել է 4 քաղաքացու …

Վրաստանում կորոնավիրուսի 6 նոր դեպք է արձանագրվել: Այս մասին տեղեկանում ենք StopCov.ge կայքից: Այս պահի դրությամբ, Վրաստանում հաստատվել է կորոնավիրուսի 683 դեպք: 419 մարդ ապաքինվել է, մահվան 12 դեպք է գրանցվել: Արտասահմանից բուժման նպատակով տեղափոխվել է Վրաստանի երեք քաղաքացի: Կարանտինային ռեժիմում ներկայում 3.822 մարդ կա, իսկ ստացիոնար բուժում է ստանում 360 մարդ:

Վայոց ձորի մարզի Արենի համայնքում, ՀՀ պարետի որոշմամբ, այսօրվանից մինչև մայիսի 26-ը սահմանափակումներ են սահմանվել: «Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի թիվ 298-Ն որոշման հավելվածի 7-րդ կետով՝ Հայաստանի Հանրապետության Վայոց ձորի մարզի Արենի համայնքի Արենի բնակավայրում կիրառել հետևյալ սահմանափակումները. ա/ Սահմանել բնակավայրի վարչական սահման մուտք գործելու և …

Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան գրառմամբ ներկայացրել է «ԷՏԱԼՈՆ ԳՐՈՒՊ» ՓԲԸ կազմակերպության գրանցման հետ կապված խնդիրները՝ նշելով, որ տասնյակ միլիոնների հասնող մեքենայություն է տեղի ունեցել: «Այս իրադրության մասին կարծում էի կբարձրաձայնեն պետական մարմինները, բայց քանի որ վերջիններս լռում են, ինքս կխոսեմ։ Սրա մասին այսօր կարող էր խոսել նաև վարչապետը, սակայն ինչ-ինչ պատճառներով …

Իրանում կորոնավիրուսով վարակվածների թիվը հասել է 118.392-ի: Այս մասին հայտնել է ԻԻՀ առողջապահության նախարարության հանրային կապերի բաժնի ղեկավար Կիանուշ Ջահանպուրը, գրում է ԻՌՆԱ-ն: «Մեկ օրում կորոնավիրուսով վարակման 1.757 նոր դեպք է արձանագրվել: Վարակվածների ընդհանուր թիվը, այսպիսով, 118.392 է»,- ասել է նա: Մեկ օրում Իրանում 35 մահ է արձանագրվել, արդյունքում այս երկրում կորոնավիրուսից մահացածների թիվը հասել …

Ադրբեջանում COVID-19 կորոնավիրուսով վարակի 158 նոր դեպք է արձանագրվել: Այս մասին գրում է «Ինտերֆաքս»-ի ադրբեջանական ծառայությունը՝ վկայակոչելով երկրի օպերատիվ շտաբը: «Այսօր Ադրբեջանում ևս 158 վարակակիր է արձանագրվել: Միաժամանակ, 58 մարդ առողջացել և դուրս է գրվել հիվանդանոցներից»,- նշում է աղբյուրը: Այսպիսով, ընդհանուր առմամբ, Ադրբեջանում կորոնավիրուսով վարակվածների թիվը 3.138 է, 1.944 մարդ առողջացել է, 36 մահ է …