17.09.2026 | 15:19
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
ՌԴ-ում վաճառքի են հանվել Սահմանադրական հանրաքվեին առցանց մասնակցած քաղաքացիների տվյալները
Քաղաքականություն
04.08.2020 | 22:38
Համացանցում վաճառքի են հանվել Ռուսաստանում սահմանադրական փոփոխությունների հանրաքվեին առցանց մասնակցելու համար գրանցված օգտատերերի անձնական տվյալները։ Ընդհանուր առմամբ, ներառված է 1․1 միլիոն տող տվյալ։ Այս մասին հայտնում է Deutsche Welle-ի ռուսական ծառայությունը՝ վկայակոչելով «Կոմերսանտ» պարբերականը։
Աղբյուրի փոխանցմամբ՝ տվյալների բազայում յուրաքանչյուր տող գնահատվում է 1 դոլար՝ մեծածախ և 1․5 դոլար՝ մանրածախ վաճառքի դեպքում։ Բացի այդ, վաճառողը երաշխավորում է, որ տվյալների բազան «ամբողջովին թարմ է»:
Նշվում է, որ թեպետ քաղաքացիների անձնագրերի համարների հրապարակումն անօգուտ է, բայց այն կարող է օգտագործվել այլ տվյալների հետ, օրինակ՝ քաղաքացու վարկային պատմության։ Աղբյուրի փոխանցմամբ՝ քաղաքացիների տվյալները վաճառքի հանած անձն արդեն 30 հազար մարդու անձնական տվյալ է վաճառել։
Հավելենք, որ Ռուսաստանի Սահմանադրության մեջ փոփոխություններ կատարելու քվեարկությունն անցկացվել է հունիսի 25-ից հուլիսի 1-ը՝ էլեկտրոնային տարբերակով, որը հասանելի էր միայն Մոսկվայի և Նիժնի Նովգորոդի շրջանի բնակիչների համար: Առցանց քվեարկությանը մասնակցելու համար այս շրջաններում գրանցվել է, ընդհանուր թվով, 1 մլն 192 հազար 726 քաղաքացի:
Նելլի Մելքոնյան
