28 Հոկտեմբեր 2019 | 13:36
Վրաց-ադրբեջանական սահմանին Վրաստանի քաղաքացի է ձերբակալվել
Վրաց-ադրբեջանական պետական սահմանը ապօրինի հատելու մեղադրանքով ձերբակալվել է Վրաստանի քաղաքացի Դ.Գ.-ն: Դեպքը տեղի է ունեցել անցած գիշեր Ուզումլո գյուղի (Վրաստան) մոտակայքում գտնվող սահմանային անցակետում: Այդ մասին հայտնում են ադրբեջանական լրատվամիջոցները. փոխանցում է aliq.ge-ն: Ըստ տեղեկատվության, նախաքննության ընթացքում պարզվել է, որ ձերբակալվածը հետախուզվում է կողոպուտ կատարելու մեղադրանքով։ Ըստ ադրբեջանական լրատվամիջոցների՝ օպերատիվ հետաքննություն է անցկացվում։
