22.02.2026 | 15:51
Պակիստանը հարվածներ է հասցրել Աֆղանստանին, թալիբները հայտարարում են տասնյակ զոհերի մասին
Այս պրոբլեմը չենք թողնելու հետագա սերունդներին. վարչապետը զանգահարել է առաջնագիծ. ՏԵՍԱՆՅՈՒԹ
08.10.2020 | 08:57
Վարչապետ Նիկոլ Փաշինյանը կեսգիշերն անց զանգահարել է առաջնագծի տարբեր տեղամասեր, զրուցել հրամանատարների, զինվորների հետ։ Նա հրապարակել է իր զրույցից մի հատված։
«Զանգել եմ ասեմ, որ հպարտանում եմ ձեզանով, որ սիրում եմ ձեզ ու խոնարհվում եմ ձեր առաջ ու ձեր կատարած ծառայության առաջ: Գիտեմ՝ ինչքան դժվար է, գիտեմ, որ շատ, բազմաթիվ ու բազմապիսի դժվարությունների առաջ եք կանգնած: Բայց և ուզում եմ ասել, որ իսկապես էն ծառայությունը, որ հիմա դուք ձեր հայրենիքին մատուցում եք, դա պատմական ծառայություն է: Եվ հայրենիքը մշտապես ձեր առաջ պարտքի տակ է լինելու: Որովհետև ինչ էլ արվի, ինչքան էլ շատ արվի, ինչքան էլ շատ բան արվի ձեզ համար, միևնույն է, ձեր ծառայության գինն էնքան բարձր է, որ այդ պարտքի տակից շատ դժվար է լինելու դուրս գալ:
Ու ես ուզում եմ համոզված լինեք, որ ես էստեղ իմ ամենօրյա աշխատանքի մեջ ամեն ինչ անում եմ ու մեր կառավարությունը ամեն ինչ անում է, որ ձեր չարչարանքը իզուր և ապարդյուն չանցնի: Եվ ես հավատում եմ, որ մենք պատմական էս շրջափուլում էնքան ամրություն, ուժ ենք ունենալու, էնքան մեծ առաքելության զգացում ենք ունենալու, որ մինչև վերջ կանգնելու ենք, և էս պրոբլեմը չենք թողնելու մեր հետագա սերունդներին: Եվ մենք պետք է կանգնենք ամուր, մինչև վերջ մեր ժողովրդին, մեր հայրենիքի իրավունքը պաշտպանենք, մեր ժողովրդի անվտանգությունը պաշտպանենք»,- ասել է վարչապետը:
Մանրամասները՝ տեսանյութում:
