Արցախի Հանրապետության ԱԻՊ ծառայությունից տեղեկացնում են, որ Ստեփանակերտի Նաբերեժնայա փողոցում քիչ հետո տեղի կունենա պայթյուն: «ԱԻ պետական ծառայության սակրավորական ջոկատները հետախուզական աշխատանքներ իրականացնելիս տարածքում հայտնաբերել են վտանգ ներկայացնող չպայթած ռազմամթերք, որը պետք է վնասազերծվի տեղում: Պայթյունի ձայներ լսելու դեպքում խնդրում ենք չանհանգստանալ և խուճապի չմատնվել»,- ասված է հաղորդագրությունում:

2021 թվականի փետրվարի 10-ին Սահմանադրական դատարանի նախագահ Արման Դիլանյանն ընդունել է Հայաստանի Հանրապետությունում Գերմանիայի Դաշնային Հանրապետության արտակարգ և լիազոր դեսպան Միխայել Յոհաննես Բանցհաֆին. տեղեկացնում են ՍԴ-ից: Հանդիպման ընթացքում Արման Դիլանյանը կարևորել է Գերմանիայի կառավարության աջակցությունը Հայաստանի դատաիրավական ոլորտի բարեփոխումներին, իրավունքի գերակայության ամրապնդմանը և մարդու իրավունքների ու հիմնարար ազատությունների պաշտպանությանը: Դեսպան Բանցհաֆը շնորհակալություն է հայտնել ջերմ …

ԱՄՆ Սենատը ձայների մեծամասնությամբ սահմանադրական է ճանաչել երկրի նախկին նախագահ Դոնալդ Թրամփի իմփիչմենթի գործընթացը։  Վերին պալատում այս որոշման օգտին  քվեարկած 50 դեմոկրատներին են միացել 6 հանրապետականներ, այդ թվում նաև՝ ԱՄՆ նախագահի նախկին թեկնածու Միթ Ռոմնին։ Այս մասին հայտնում է BBC-ի ռուսական ծառայությունը։ Հունվար ամսին Կոնգրեսը, որտեղ մեծամասնությունը պատկանում է դեմոկրատներին, իմփիչմենթ է հայտարարել Դոնալդ Թրամփին՝  …

Կորոնավիրուսային հիվանդությամբ պայմանավորված սահմանափակումների մասամբ վերացումից հետո՝ քաղաքապետարանի հերթական աշխատանքային խորհրդակցությանը կրկին մասնակցել են գործընկեր կառույցների ներկայացուցիչները: Խոսելով օրակարգում ընդգրկված աշխատանքների ու ընթացիկ խնդիրների մասին՝ քաղաքապետ Հայկ Մարությանը մի շարք դիտարկումներ է ներկայացրել տարբեր ոլորտների վերաբերյալ: Քաղաքապետ Մարությանն առանձնակի կարևորել է նաև հասարակական տրանսպորտի կանգառներում այլ տրանսպորտային միջոցների կայանումն արգելելու խնդիրը: Ձեռք բերված 100 ավտոբուսների …

«Հանրապետությունում վերջին 10 օրերին օդի ջերմաստիճանը անոմալ բարձր է, և իր կլիմայական ցուցանիշներով համապատասխանում է մարտի երրորդ տասնօրյակին։ Հորդորում ենք, հատկապես հովտային և նախալեռնային գոտիներում ծառերի էտ և այգեբաց չկատարել, քանի որ փետրվարի 17-ից հետո հնարավոր է ջերմաստիճանի կտրուկ անկում»,- տեղեկացնում են հիդրոօդերևութաբանության և մոնիթորինգի կենտրոնից:

ԱԺ-ն շարունակում է հերթական քառօրյայի իր աշխատանքները։ Օրակարգում ներառված են «Կրթության մասին» օրենքում փոփոխություններ և լրացումներ կատարելու մասին, «Հանրային խորհրդի մասին» օրենքում փոփոխություն կատարելու մասին, «Պետական ոչ առեւտրային կազմակերպությունների մասին» օրենքում փոփոխություններ կատարելու մասին հարցեր և այլն։

Առողջապահության նախարարի` 2020 թվականի օգոստոսի 4-ի թիվ 17-Ն և 2020 թվականի սեպտեմբերի 18-ի թիվ 24-Ն հրամաններում կատարվել են փոփոխություններ և լրացումներ, ինչի արդյունքում մեղմացվել են որոշ սահմանափակումներ, այդ թվում՝ նախադպրոցական հաստատություններում երեխաների ընդունելությունը սահմանափակող դրույթները, միևնույն ժամանակ, սանիտարական կանոնների պահանջների պահպանմամբ։ Նախադպրոցական հաստատություններում լրացուցիչ ընդունելության կազմակերպում կարելի է իրականացնել հետևյալ դեպքերում. ✅այն հերթագրված երեխաների համար, …

Մենք հայտնվել ենք մի իրականության մեջ, որտեղ տգիտությունն ու գիտությունը իրար դեմ են դուրս եկել, հակամարտում են միմյանց դեմ: Հույս ունեմ, որ գիտությունը կհաղթի, և այդ հաղթանակը կլինի ոչ թե բարոյական, այլ իրական։ Այս մասին ԱԺ-ում «Բարձրագույն կրթության և գիտության մասին» օրինագծի քննարկման ժամանակ հայտարարեց անկախ պատգամավոր Արման Բաբաջանյանը: Անդրադառնալով գիտության ֆինանսավորմանը՝ պատգամավորը նշեց. «Ես …

Ներկայացված նախագիծը պարունակում է մի շարք ռիսկեր, մի շարք օրենքների խախտումներ, այդ թվում՝ Սահմանադրության խախտումներ, որի առջև չենք կարող աչք փակել: Այս մասին ԱԺ-ում «Բարձրագույն կրթության և գիտության մասին» օրինագծի քննարկման ժամանակ հայտարարեց պատգամավոր Թագուհի Թովմասյանը: Անդրադառնալով բուհերի քաղաքականացվածության, ազատությունների սահմանափակման խնդրին՝ պատգամավորը հիշեցրեց վարչապետ Նիկոլ Փաշինյանի 2018-ի մայիսի 8-ի ելույթը՝ ներկայացնելով մի հատված. «Կրթության …

«Զվարթնոց» միջազգային օդանավակայանի փոխանցմամբ՝ ռուսական «Ուրալյան ավիաուղիներ»-ը սույն թվականի փետրվարի 13-ից Կրասնոյարսկ – Երևան – Կրասնոյարսկ երթուղով չվերթներ կիրականացնի: Չվերթերը կիրականացվեն շաբաթական մեկ չվերթ հաճախականությամբ՝ յուրաքանչյուր ուրբաթ: Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք դիմել ավիաընկերությանը: