11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Մարտին Բելառուսում 105 մարդ քաղաքական դրդապատճառներով ազատազրկվել է
Քաղաքականություն
01.04.2021 | 18:18
Մարտին Բելառուսում առնվազն 105 մարդ է դատապարտվել քաղաքական դրդապատճառներով հարուցված քրեական գործերի շրջանակում։ Այս մասին այսօր հայտնել է բելառուսական «Գարուն» իրավապաշտպան կենտրոնը:
Եվս երեք դատավճիռ չի կայացվել՝ մեղադրյալների բացակայության պատճառով, նրանց նկատմամբ հետախուզում է հայտարարվել: Դատապարտվածների մոտ կեսը՝ 53 մարդ, ազատազրկվել է, ընդհանուր առմամբ, 176 տարի 7 ամիս ժամկետով, ազատազրկման ամենաերկար ժամկետը 10 տարին է եղել (Ալեքսանդր Տրոցկի), նշում են իրավապաշտպան կազմակերպությունից:
Դատապարտյալների թվում կա 16 կին, որոնք տուգանքից մինչև երեք տարվա ազատազրկման են դատապարտվել, ինչպես նաև երկու անչափահաս, որոնցից յուրաքանչյուրը դատապարտվել է երեքական տարի ժամկետով ազատազրկման:
Քաղաքական դրդապատճառներով քրեական գործերի թվին են իրավապաշտպանները դասել, մասնավորապես, Բելառուսի Քրեական օրենսգրքի «հասարակական կարգը կոպտորեն խախտող խմբակային գործողություններին ակտիվ մասնակցություն ունենալու» (դատապարտյալների ամենամեծ թիվը), «ներքին գործերի մարմինների աշխատողի նկատմամբ բռնություն կամ բռնության սպառնալիք կիրառելու», ինչպես նաև «խռովությունների» հատկանիշներով գործերը:
Տաթև Ֆռանգյան
