19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Լավրովը հանդիպումներ կունենա Հայաստանի և Ադրբեջանի արտգործնախարարների հետ. ՏԵՍԱՆՅՈՒԹ
Քաղաքականություն
01.04.2021 | 17:56
Ռուսաստանի Դաշնության արտգործնախարար Սերգեյ Լավրովն ապրիլի 1-ին առանձին հանդիպումներ կունենա Հայաստանի արտգործնախարար Արա Այվազյանի և Ադրբեջանի արտգործնախարար Ջեյհուն Բայրամովի հետ: Այս մասին ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Հանդիպումների ժամանակ քննարկվելու են երկկողմ համագործակցությանն առնչվող հարցեր, իհարկե՝ իրադրությունը Լեռնային Ղարաբաղում, ինչպես նաև Ռուսաստանի, Ադրբեջանի և Հայաստանի ղեկավարների կողմից նախորդ տարվա նոյեմբերի 9-ի և այս տարվա հունվարի 11-ի պայմանավորվածությունների իրականացման ընթացքը, ինչպես նաև տարածաշրջանային հարցեր»,- ասել է Զախարովան:
Հիշեցնենք՝ ապրիլի 2-ին Մոսկվայում տեղի է ունենալու ԱՊՀ երկրների արտգործնախարարների խորհրդի նիստը, որին մասնակցելու համար էլ Ռուսաստան է մեկնել Արա Այվազյանը:
