ՀՀ երկրորդ նախագահ Ռոբերտ Քոչարյանի և նախկին փոխվարչապետ, այժմ «Հայաստան» դաշինքից պատգամավոր Արմեն Գևորգյանի գործով նիստում այն բանից հետո, երբ դատավոր Աննա Դանիբեկյանը հետաձգեց փաստաբան Էրիկ Ալեքսանյանի և փաստաբան Հովհաննես Խուդոյանի ներկայացրած միջնորդությունների քննարկումը, Ալեքսանյանը դատավորին մեղադրեց կողմնակալության մեջ և պահանջեց հետաձգել նիստը, որպեսզի դատավորին բացարկ հայտնելու միջնորդություն պատրաստի: Դանիբեկյանը համարեց, որ նիստը հետաձգելու կարիք …

Դպրոցական առաջին օրը՝ աշխարհի ամենակրտսեր սովորողների և նրանց ծնողների համար կյանքի ամենահիշարժան պահերից մեկը, ՔՈՎԻԴ–19–ի պատճառով հետաձգվել է գրեթե 140 միլիոն սովորողի համար, ասվում է ՅՈՒՆԻՍԵՖ-ի նոր վերլուծության մեջ, որը հրապարակվել է աշխարհի բազմաթիվ երկրներում ամառային արձակուրդի մոտալուտ ավարտի կապակցությամբ: Այդ աշակերտներից գրեթե ութ միլիոնն արդեն մեկ տարուց ավելի է, ինչ սպասում է առկա ուսուցմամբ …

ՀՀ նախկին փոխվարչապետ, «Հայաստան» դաշինքի պատգամավոր Արմեն Գևորգյանի պաշտպան Էրիկ Ալեքսանյանը միջնորդություն է ներկայացրել՝ դատարանից  պահանջելով դիմել ՍԴ` լուծելու Արմեն Գևորգյանի` որպես պատգամավոր անձեռնմխելիություն ունենալու, բայց զուգահեռաբար քրեորեն հետապնդվելու խնդիրը։ Դատարանը հետաձգեց միջնորդության քննությունը: Էրիկ Ալեքսանյանը դատարանում բանավոր միջնորդություն ներկայացրեց՝ պահանջելով դատավոր Աննա Դանիբեկյանի ինքնաբացարկը։ Նա նշեց, որ գրավոր ծավալուն միջնորդություն ևս կներկայացնի: Մանրամասները՝ տեսանյութում:

Երևան քաղաքի ընդհանուր իրավասության դատարանի Շենգավիթի նստավայրում շարունակվում է ՀՀ երկրորդ նախագահ Ռոբերտ Քոչարյանի և մյուսների գործով դատական գործը։ Քոչարյանը դատարանի նիստերի դահլիճում հայտարարեց, որ մինչ այսօր դատախազությունը իրենից ներողություն չի խնդրել՝ հակասահմանադրական հոդվածով կալանքի տակ պահելու համար։ Հիշեցնենք, որ մարտի 26-ին Սահմանադրական դատարանը Քրեական օրենսգրքի 300.1 հոդվածը ճանաչվեց Սահմանադրության 78 (Համաչափության սկզբունք) և 79-րդ (Որոշակիության սկզբունք) …

Երևանի ընդհանուր իրավասության դատարանի Շենգավիթի նստավայրում շարունակվում է ՀՀ երկրորդ նախագահ Ռոբերտ Քոչարյանի և նախկին  փոխվարչապետ Արմեն Գևորգյանի գործով նիստը։ ՀՀ նախկին փոխվարչապետ, «Հայաստան» խմբակցության պատգամավոր Արմեն Գևորգյանը դատական նիստի ժամանակ դիմելով դատավորին` հայտարարեց. «Նախորդ նիստի ժամանակ խնդրեցի լուծում գտնել, որովհետև իմ սահմանադրական մանդատը ենթադրում է, որ պետք է այսօր լինեի ԱԺ-ում ու մասնակցեի Կառավարության …

Այսօրվանից դադարեցնում եմ աշխատանքս որպես առողջապահության նախարարի տեղակալ: Այս մասին ֆեյսբուքյան իր էջում գրել է առողջապահության փոխնախարար Արտյոմ Սմբատյանը։ «Պետական համակարգում շուրջ 10 տարի տևող ծառայությունս շարունակելու եմ այլ ոլորտում: Ցանկանում եմ շնորհակալություն հայտնել առողջապահության նախարարության և ենթակա հիմնարկների աշխատակիցներին՝ անձնական և մասնագիտական նվիրումի համար: Հատուկ շնորհակալություն եմ հայտնում առողջապահական համակարգի 40000-ից ավելի աշխատակիցներին, որոնք …

ՀՀ երկրորդ նախագահ Ռոբերտ Քոչարյանի փաստաբան Հովհաննես Խուդոյանը գործը կասեցնելու միջնորդություն ներկայացրեց: Մեղադրող Գևորգ Բաղդասարյանը ներկայացված միջնորդությունը գնահատեց որպես անհարգալից վերաբերմունք իրավաբանական կրթության ցանկացած դասագրքի նկատմամբ: Հայտարարությունը բողոք առաջացրեց, և Բաղդասարյանը ստիպված էր փոխել ձևակերպումը. «Միջնորդությունը չի համապատասխանում քրեական իրավունքի նորմերին»: Բաղդասարյանը նշեց, որ անձեռնմխելիությունը չի կարող տարածվել արդեն իսկ սկսված քրեական գործի վարույթի վրա, …

ՀՀ երկրորդ նախագահ Ռոբերտ Քոչարյանի փաստաբան Հովհաննես Խուդոյանը գործը կասեցնելու միջնորդություն ներկայացրեց: Հիշեցնենք, որ նախորդ նիստին Արմեն Գևորգյանի պաշտպան Էրիկ Ալեքսանյանը միջնորդեց Սահմանադրական դատարանին պարզաբանել իր պաշտպանյալի նկատմամբ քրեական հետապնդման կասեցման հարցը: Հովհաննես Խուդոյանը հիշեցրեց, որ Սահմանադրության 96-րդ հոդվածը սահմանում է պատգամավորական անձեռնմխելիության հաղթահարման կարգն ու հանգամանքները: Փաստաբանն ընդգծեց, որ, անկախ նրանից, թե երբ է …

Հանրապետության նախագահ Արմեն Սարգսյանը շնորհավորական ուղերձ է հղել Ուկրաինայի նախագահ Վոլոդիմիր Զելենսկուն՝ երկրի ազգային տոնի՝ Անկախության օրվա 30-ամյակի առթիվ: Այս մասին տեղեկացրին ՀՀ նախագահի աշխատակազմից։ «Համոզված եմ, որ մեր ժողովուրդների ավանդական բարեկամությունն ամուր և կայուն հիմք է Հայաստանի և Ուկրաինայի միջպետական հարաբերությունների զարգացման ու փոխշահավետ նախաձեռնությունների իրականացման համար»,-մասնավորապես ասված է նախագահ Արմեն Սարգսյանի ուղերձում: