Ադրբեջանի պաշտպանության նախարարության տարածած հաղորդագրությունն այն մասին, թե հունիսի 28-ի լույս 29-ի գիշերը ՀՀ ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ՝ չի համապատասխանում իրականությանը. տեղեկացնում են ՀՀ ՊՆ-ից։ «Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ լիարժեք վերահսկողության ներքո»,- ասված է հաղորդագրությունում։

Մեկնարկել է հայտարարագրման և բարեվարքության նոր էլեկտրոնային համակարգերի ներդրման վերաբերյալ Կոռուպցիայի կանխարգելման հանձնաժողովի նախաձեռնած համատեղ աշխատանքային քննարկումը։

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները հունիսի 29-ի դրությամբ՝ ըստ rate.am-ի: Ամերիկյան մեկ դոլարը գնվում է 400 դրամ նվազագույն և 404 դրամ առավելագույն փոխարժեքով, վաճառվում՝ 409 դրամ նվազագույն և 412 դրամ առավելագույն փոխարժեքով: Մեկ եվրոն գնվում է 415 դրամ նվազագույն և 423 դրամ առավելագույն փոխարժեքով, վաճառվում՝ 430 դրամ նվազագույն և 444 …

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։ Մ3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:

Աշխարհի խոշորագույն հումքային բորսաների հունիսի 28-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 0.22%-ով և կազմել 111.09 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 0.45%-ով և կազմել 116.99 դոլար: Նավթի չափման միավորը բարելն …

Թուրքերի ճնշող մեծամասնությունը երկրի ամենալուրջ խնդիրը համարում է կենսապահովման բարձր ծախսերը։ Ըստ TurkishMinute-ի՝ այս մասին են վկայում վերջին հարցման արդյունքները։ Gezici հետազոտական կենտրոնի կողմից մայիսի 28-29-ը 14 շրջաններում անցկացված հարցման արդյունքների համաձայն՝ ր հարցվածների 74,8 տոկոսը կարծում է, որ կյանքի բարձր արժեքը երկրի ամենամեծ խնդիրն է, որին հաջորդում են գործազրկությունը (43,2 տոկոս), համաճարակը ( 34,4 …

Հունիսի 29-ից 30-ն ընկած ժամանակահատվածում, Շենգավիթ վարչական շրջանում փորձարկվելու են շչակներ: Այս մասին տեղեկացնում է ԱԻՆ-ն ու քաղաքացիներին հորդորում չանհանգստանալ։

Հռոմում ընթացող ըմբշամարտի Եվրոպայի երիտասարդական առաջնությունում այսօր Ալբերտ Վարդանյանը հաղթեց թուրք ըմբիշին և բրոնզե մեդալ նվաճեց: Հայաստանի ըմբշամարտի ֆեդերացիայի տեղեկացմամբ՝ 130 կգ քաշային Ալբերտ Վարդանյանը բրոնզե մեդալի համար մարտում 7:0 հաշվով ջախջախեց թուրք Թալիփ Չիֆչիին: Վաղը պայքարի դուրս կգա ևս 4 հայ մարզիկ։

Հունիսի 28-ին Երևանում տեղի ունեցան քաղաքական խորհրդակցություններ Հայաստանի Հանրապետության և Լեհաստանի Հանրապետության արտաքին գործերի նախարարությունների միջև, հայտնում են ՀՀ ԱԳՆ-ից։ Հայկական պատվիրակությունը գլխավորում էր ԱԳ նախարարի տեղակալ Պարույր Հովհաննիսյանը, լեհականը՝ ԱԳՆ Արևելյան քաղաքականության, տնտեսական դիվանագիտության և զարգացման համագործակցության գծով պետքարտուղարի տեղակալ Մարչին Պշիդաչը: Խորհրդակցությունների ընթացքում զրուցակիցները քննարկեցին հայ-լեհական երկկողմ օրակարգի հարցերին առնչվող լայն շրջանակ՝ կարևորելով …

ՆԱՏՕ-ն հայտարարել է, որ Թուրքիայի հետ համաձայնության է եկել Շվեդիայի և Ֆինլանդիայի՝ դաշինք մտնելու վերաբերյալ, մանրամասներ դեռևս չեն հաղորդվում։ Նման հաղորդագրություն երեքշաբթի Twitter-ում տարածել է ՆԱՏՕ-ի մամուլի ծառայությունը, գրում է ՏԱՍՍ-ը։ «Կկայանա Թուրքիայի, Շվեդիայի և Ֆինլանդիայի միջև համաձայնագրի ստորագրման արարողությունը և ՆԱՏՕ-ի գլխավոր քարտուղարի մամուլի ասուլիսը»,- հայտնել են մամուլի ծառայությունից։ Ավելի վաղ ՆԱՏՕ-ի գլխավոր քարտուղար …