09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Թող հրապարակեն այդ նամակը, տեսնենք՝ 4-րդ հոդվածով են դիմել ՀԱՊԿ-ին. Արամ Վարդևանյան․ ՏԵՍԱՆՅՈւԹ
Քաղաքականություն
13.09.2022 | 18:37
«Իրավիճակը բարդ է, պետք է ունենալ խիզախություն և պատասխանատվություն ստանձնել, բայց իշխանությունը չի ստանձնում։ Եթե ստանձնեին, նոյեմբերի 9-ից հետո հրաժարական կտային։ Մեր միակ հենարանը մեր Զինված ուժերն են»։ Այս մասին ԱԺ-ում լրագրողների հետ զրույցում նշեց «Հայաստան» խմբակցության պատգամավոր Արամ Վարդևանյանը:
Անդրադառնալով ՀԱՊԿ-ին դիմելուն, Վարդևանյանը նշեց. «Հարց է առաջանում՝ ՀԱՊԿ-ի 4-րդ հոդվածո՞վ են դիմել, որովհետև եթե այդ հոդվածով դիմեին, դուք արդեն պետք է տեսնեիք ՀԱՊԿ-ի գործողությունները, քանի որ այդ հոդվածը ենթադրում է անհապաղ գործողություններ։
Ավելին, այդ հոդվածն ասում է, որ եթե լինում է զինված ագրեսիա ՀԱՊԿ անդամ ցանկացած պետության նկատմամբ, դա դիտարկվում է ամբողջ ՀԱՊԿ երկրների նկատմամբ ագրեսիա:
Հիմա խնդիրը ո՞րն է․ թող հրապարակեն այդ նամակը, թող հրապարակեն և տեսնենք՝ 4-րդ հոդվածով են դիմել, թե ոչ: Եվ եթե 4-րդ հոդվածով են դիմել և չկա պատշաճ արձագանք, դրան պետք է պատշաճ գնահատական տալ: Բայց եթե պարզվի, որ 2-րդ հոդվածով են դիմել, այստեղ խնդիր է առաջանում»:
Մանրամասները՝ տեսանյութում։
