09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
Ագրեսոր կողմին կոչ ենք անում՝ անհապաղ դադարեցնել ռազմական գործողությունները հայ-ադրբեջանական սահմանին․ Հնդկաստանի ԱԳՆ ներկայացուցիչ
Քաղաքականություն
13.09.2022 | 18:55
Հնդկաստանն Ադրբեջանին և Հայաստանին կոչ է անում բանակցել և դիվանագիտական ճանապարհով լուծել իրավիճակը սահմանին։ Այս մասին ասված է Հնդկաստանի ԱԳՆ պաշտոնական ներկայացուցիչ Արինդամ Բաղչիի հայտարարության մեջ, որը հրապարակվել է գերատեսչության պաշտոնական կայքում, փոխանցում է ՏԱՍՍ-ը։
«Մենք հաղորդումներ ենք ստացել 2022 թվականի սեպտեմբերի 12-13-ը հայ-ադրբեջանական սահմանի երկայնքով, այդ թվում՝ քաղաքացիական բնակավայրերի և ենթակառուցվածքների վրա հարձակումների մասին։ Մենք կոչ ենք անում ագրեսոր կողմին՝ անհապաղ դադարեցնել ռազմական գործողությունները»,- ասված է հայտարարության մեջ։
Բաղչին նշել է, որ, ըստ հնդկական կողմի, երկկողմ վեճերը պետք է լուծվեն դիվանագիտական ու երկխոսության ճանապարհով։
«Ոչ մի հակամարտություն չի կարող լուծվել ռազմական ճանապարհով: Մենք կոչ ենք անում երկու կողմերին շարունակել բանակցությունները՝ կայուն և խաղաղ լուծման հասնելու համար»,- ասել է Հնդկաստանի ԱԳՆ ներկայացուցիչը:
Տաթև Ֆռանգյան
