07.12.2025 | 15:34
Առանձին հատվածներում ձյուն է տեղում․ Թալինի, Աշտարակի և Ապարանի տարածաշրջաններում մառախուղ է
Աշխարհի գավաթ․ Գաբրիել Սարգսյանը, Ռոբերտ Հովհաննիսյանը և Շանթ Սարգսյանը շարժվում են առաջ
06.11.2025 | 18:37
Հայաստանը ներկայացնող 3 գրոսմայստերներ դուրս եկան Հնդկաստանում անցկացվող ՖԻԴԵ-ի շախմատի աշխարհի գավաթի երրորդ փուլ։
Արագ շախմատի թայ-բրեյքում Գաբրիել Սարգսյանը 3:1 հաշվով առավելության հասավ իսրայելցի գրոսմայստեր Մաքսիմ Ռոդշտեյնի նկատմամբ, Շանթ Սարգսյանը 2.5:1.5 հաշվով հաղթեց պերուացի գրոսմայստեր Ջորջ Կորիին, իսկ Ռոբերտ Հովհաննիսյանը 2:0 հաշվով պարտության մատնեց հնդիկ գրոսմայստեր Ռաունակ Սադհվանին:
Երկրորդ փուլի արգելքը չկարողացավ հաղթահարել Հայկ Մարտիրոսյանը, որը նույնպես արագ շախմատի թայ-բրեյքում պարտվեց ռուսաստանցի Վլադիսլավ Արտեմիևին։
Ավելի վաղ աշխարհի գավաթի երրորդ փուլի ուղեգիր էր նվաճել Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը։
Հիշեցնենք, որ մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր փուլում մասնակիցները խաղում են երկու դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
