01.04.2026 | 16:06
Փորձում են ձևավորել վախի մթնոլորտ. «Միասնության թևեր»-ն ահազանգում է. ՏԵՍԱՆՅՈՒԹ
Աշխարհի գավաթ․ Հայաստանի շախմատիստները կխաղան թայ-բրեյք, Արոնյանը հաջորդ փուլում է
05.11.2025 | 22:28
Հնդկաստանում շարունակվող ՖԻԴԵ-ի շախմատի աշխարհի գավաթի երկրորդ խաղափուլում Հայաստանը ներկայացնող բոլոր գրոսմայստերներն իրենց դասական պարտիաներն ավարտել են ոչ-ոքի:
Գաբրիել Սարգսյանը մրցում է Իսրայելը ներկայացնող գրոսմայստեր Մաքսիմ Ռոդշտեյնի հետ, Շանթ Սարգսյանը՝ պերուացի գրոսմայստեր Ջորջ Կորիի, Ռոբերտ Հովհաննիսյանը՝ հնդիկ գրոսմայստեր Ռաունակ Սադհվանիի, իսկ Հայկ Մարտիրոսյանը՝ ՖԻԴԵ-ն ներկայացնող գրոսմայստեր Վլադիսլավ Արտեմևի:
Մրցամարտերի հաղթողները կորոշվեն նոյեմբերի 6-ին՝ արագ շախմատի թայ-բրեյքում:
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը 1.5:0.5 հաշվով հաղթել է միջազգային վարպետ Արոնյակ Գոշին (Հնդկաստան) և նվաճել հաջորդ փուլի ուղեգիր։
Հիշեցնենք, որ մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր փուլում մասնակիցները խաղում են երկու դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
