Արցախում քննարկում են մարդկանց Գորիս տեղափոխելու հարցը։ Այս մասին Factor.am-ի հետ զրույցում հայտնեց Արցախի ԱԺ պատգամավոր Մետաքսե Հակոբյանը։ «Հիմա առաջնային խնդիրը բոլորի անվտանգությունն ապահովելն է՝ թե՛ գնալու առաջնահերթ ցանկություն հայտնողների, թե՛ չհայտնողների։ Դա պիտի համակարգված արվի, այսինքն՝ հնարավոր չէ, որ մի խումբը գնա, մյուս խումբը մնա, այդպես չի կարող լինել։ Դա պետք է ընդհանուր որոշմամբ …

Արցախի կառավարությունից տեղեկացնում են, որ կիրականացվի վերջին ռազմական գործողությունների հետևանքով անօթևան մնացած և հանրապետությունից դուրս գալու ցանկություն հայտնած ընտանիքների տեղափոխում ՀՀ՝ ռուս խաղաղապահների ուղեկցությամբ: «Բնակչության մյուս խմբերի տեղափոխման մասին կառավարությունը առաջիկայում հանդես կգա տեղեկատվությամբ»,- նշված է հաղորդագրությունում։

Երևանի Կենդանաբանական այգուց հայտնում են, որ այն սեպտեմբերի 25-26-ը փակ է լինելու` սանիտարական աշխատանքներով պայմանավորված։

Արցախի տեղեկատվական շտաբից հայտնում են, որ քաղաքացիներից ստացված ահազանգերից անմիջապես հետո Ստեփանակերտի «Ջրմուղ-կոյուղի» ՓԲԸ-ն բնակչությանը մատակարարվող խմելու ջրից նմուշառումներ է կատարել և ենթարկել լաբորատոր ստուգման: Ըստ աղբյուրի՝ լաբորատոր ստուգումներն ընթացքում են, բայց մինչև այս պահը որևէ վտանգավոր նյութ չի հայտնաբերվել:

Շտապօգնության մեքենաներով Արցախից Հայաստան են տեղափոխում ծանր վիրավորներին։ Տեղեկությունը հայտնում է ՀՀ առողջապահության նախարարության մամուլի ծառայությունը։ «Շտապօգնության 23 մեքենա մասնագետների ուղեկցությամբ Լեռնային Ղարաբաղից Հայաստան են տեղափոխում ծանր և ծայրահեղ ծանր վիրավորում ստացած Լեռնային Ղարաբաղի 23 բնակչի»,- նշված է հաղորդագրության մեջ։ Նշվում է, որ Կարմիր խաչի ուղեկցությամբ մեքենաներն արդեն անցել են Հակարիի կամուրջը։

Հանդիպել եմ ՄԱԿ-ի գլխավոր քարտուղար Անտոնիո Գուտերեշին։ Այս մասին X-ի իր միկրոբլոգում գրել է ՀՀ ԱԳ նախարար Արարատ Միրզոյանը։ Նախարարի փոխանցմամբ՝ Գուտերեշի հետ քննարկել են Հարավային Կովկասի ընդհանուր իրավիճակը և Ադրբեջանի շարունակական ագրեսիայի հետևանքները տարածաշրջանում Հայաստանի և Լեռնային Ղարաբաղի դեմ։ Միրզոյանը նշել է, որ Միջազգային մուտքը, ներառյալ ՄԱԿ-ի և նրա կառույցների, կենսական նշանակություն ունեն ԼՂ-ում …