12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Իսրայելը մտադիր չէ դադարեցնել ավիահարվածները Գազայի հատվածին
Քաղաքականություն
24.10.2023 | 22:34
Իսրայելի գլխավոր շտաբի պետ, գեներալ-լեյտենանտ Հերզի Հալևին հայտարարել է, որ Իսրայելը մտադիր չէ դադարեցնել ավիահարվածները Գազայի հատվածին, գրում է BBC-ի ռուսական ծառայությունը։
«Մենք ցանկանում ենք ՀԱՄԱՍ-ին հասցնել լիակատար վերացման կետի։ Մենք լավ պատրաստված ենք հարավում ցամաքային գործողություններին»,- ասվում է Հալևիի հայտարարության մեջ։
Իսրայելի ռազմական խոսնակ, կոնտրադմիրալ Դանիել Հագարին իր հերթին ասել է, որ զինվորականները «պատրաստ և վճռական են» պատերազմի հաջորդ փուլին և սպասում են քաղաքական առաջնորդության:
Այնուամենայնիվ, պարզ չէ, թե որքան շուտ Իսրայելը կարող է լայնամասշտաբ ներխուժում սկսել: Անհասկանալի է նաև, թե կոնկրետ որն է հայտարարված նպատակը․ ՀԱՄԱՍ-ի ոչնչացումը կվերածվի հստակ ռազմական ծրագրերի՞, և այդ դեպքում ի՞նչ գին կարժենա այն խաղաղ բնակչության համար։ Ըստ NYT-ի՝ այս նկատառումներն արդեն անհանգստություն են առաջացնում ամերիկյան Պենտագոնում։
