Փոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Անդրեա Վիկտորինը. տեղեկացնում են փոխվարչապետի գրասենյակից։ Զրուցակիցները քննարկել են տարածաշրջանային զարգացումները, այդ թվում՝ Երասխ-Ջուլֆա-Մեղրի-Հորադիզ երկաթուղային հաղորդակցության վերականգնման և կազմակերպման հեռանկարները, սահմանազատման և սահմանային անվտանգության հարցերով հանձնաժողովի հետագա աշխատանքների հետ կապված …

Հունիսի 6-ին ՀՀ ԱԳ նախարար Արարատ Միրզոյանը հեռախոսազրույց է ունեցել Ավստրիայի եվրոպական և արտաքին գործերի դաշնային նախարար Ալեքսանդր Շալենբերգի հետ․ տեղեկացնում են ՀՀ ԱԳՆ-ից։ Զրուցակիցներն անդրադարձ են կատարել երկկողմ համագործակցության օրակարգին, ինչպես նաև բազմակողմ հարթակներում փոխշահավետ փոխգործակցության հարցերին: Մտքեր են փոխանակվել նաև ՀՀ-ԵՄ գործընկերությանն առնչվող հարցերի շուրջ: Հեռախոսազրույցի ընթացքում քննարկվել են տարածաշրջանային կայունությանն ու անվտանգությանն …

Թուրքիայի Քոնյա քաղաքի ավիաբազայում մեկնարկել են «Անատոլիական փյունիկ 2023» միջազգային որոնողափրկարարական զորավարժությունները՝ տարբեր երկրների զինվորականների մասնակցությամբ։ Նրանց թվում են նե Ադրբեջանի ԶՈՒ ներկայացուցիչները, գրում են ադրբեջանական լրատվամիջոցները։ «Քոնյա քաղաքի ավիաբազայում անցկացվող միջազգային զորավարժանքներին Ադրբեջանը ներկայացնելու են ռազմաօդային ուժերի օդաչուները, տեխնիկական անձնակազմը և ավիացիոն տեխնիկան, ռազմածովային ուժերի անձնակազմը և հատուկ նշանակության ստորաբաժանումները»,- ասվում է Ադրբեջանի ՊՆ …

Մեկնարկել է Գնահատման և թեստավորման կենտրոնի փոխտնօրեն Կարո Նասիբյանի ասուլիսը: Թեմա՝ հունիսի 9-ին մեկնարկում են միասնական քննությունները։

Մեկնարկել է ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի հերթական նիստը։

Անտառպատման, անտառների հիմնման և անտառպահպանման իմաստով 2022 թվականի կատարողականը վերջին տարիների համար աննախադեպ է: Այդ մասին Ազգային ժողովում Բյուջե-2022-ի կատարողականի հաշվետվության քննարկումների ժամանակ ասաց շրջակա միջավայրի նախարար Հակոբ Սիմիդյանը: Սիմիդյանի խոսքով՝ անտառների կառավարում ծրագրով հատկացվել է 2,1 միլիարդ դրամ գումար, որից 226 միլիոնը՝ Անտառային կոմիտեի պահպանման ծախսերի համար, 1,3 միլիարդ դրամը՝ «Հայանտառ» ՊՈԱԿ-ի, անտառվերականգնման և …

Հայաստանի էկոնոմիկայի նախարար Վահան Քերոբյանը Չինաստան կատարած այցի շրջանակում հանդիպել է «CITIC Construction» ընկերության փոխնախագահ Յան Ցզյանցյանի հետ․ այս մասին հայտնեցին ՀՀ էկոնոմիկայի նախարարությունից։ Հանդիպման ընթացքում քննարկվել է ընկերության մասնակցության հնարավորությունը ՀՀ Կառավարության 2021-2026 թվականների ծրագրով նախատեսվող միջոցառումներում, մասնավորապես՝ ճանապարհաշինության, բնակարանաշինության և ջրամբարաշինության ուղղություններով։

ԱՄՆ-ը պատժամիջոցներ է սահմանել Ռուսաստանի 7 քաղաքացու նկատմամբ, որոնք պատասխանատու են Մոլդովայում «Ռուսաստանի իշխանությունների ապակայունացման ու չարաշահող ազդեցության արշավի համար»։ Այս մասին ասվում է ԱՄՆ Ֆինանսների նախարարության տարածած հաղորդագրությունում, գրում է DW-ի ռուսական ծառայությունը։ Անձինք, որոնց նկատմամբ պատժամիջոցներ են կիրառվել, բնութագրվում են որպես «ռուսական հետախուզության հետ կապված վնասակար ազդեցության խմբի առաջատար անդամներ», որոնք փորձում են …

ՀՀ սննդամթերքի անվտանգության տեսչական մարմնի ղեկավարի որոշմամբ՝ վերացվել է Արտաշատի թիվ 4 մսուր-մանկապարտեզի խոհանոցի գործունեության կասեցումը (ՀՀ Արարատի մարզ, ք. Արտաշատ)․ տեղեկացնում են ՍԱՏՄ-ից։ ՍԱՏՄ Արարատի մարզային կենտրոնի տեսուչների կրկնակի ստուգման ընթացքում մանկապարտեզում առկա սննդամթերքի նմուշներն ուղարկվել են լաբորատոր փորձաքննության, անհամապատասխանություններ չեն հայտնաբերվել։ Չեն հայտնաբերվել նաև սանիտարահիգիենիկ նորմերի խախտումներ։

Քաղաքացին դիմել է Մարդու իրավունքների պաշտպանի աջակցությանը թոռան համար նշանակված նպաստի իրավունքը վերականգնելու հարցով․ տեղեկացնում են ՀՀ ՄԻՊ աշխատակազմից։ Ըստ դիմումատուի՝ կերակրողին կորցնելու դեպքում նշանակված նպաստը որպես օրինական ներկայացուցիչ ստացել է երեխայի հայրը։ Հաշվի առնելով այն հանգամանքը, որ նա ներկայում բնակվում է արտերկրում, արդեն 1 տարի է այդ գումարը լիազորագրով ստանում է ինքը։ Լիազորագրի ժամկետը …