26.06.2026 | 18:39
Փաշինյանը AMAA բարեգործական ՀԿ–ի նախագահի հետ քննարկել է Վարդենիսում նոր կրթահամալիրի կառուցմանը վերաբերող հարցեր
Հունգարիայի վարչապետն Ալիևին շնորհավորել է «Ադրբեջանի ինքնիշխանության վերականգնման և տարածաշրջանում իրավիճակի կայունացման կապակցությամբ»
Քաղաքականություն
24.11.2023 | 13:57
Ադրբեջանի նախագահ Իլհամ Ալիևը Բաքվում ընդունել է Հունգարիայի վարչապետ Վիկտոր Օրբանին։ Ադրբեջանական կողմի փոխանցմամբ՝ Օրբանը շնորհակալություն է հայտնել Ալիևին SPECA գագաթնաժողովին որպես պատվավոր հյուր մասնակցելու հրավերի համար։
Օրբանը նաև Ալիևին է փոխանցել հունգար ժողովրդի «լավագույն բարեմաղթանքները և շնորհավորանքները՝ Ադրբեջանի ինքնիշխանության վերականգնման և տարածաշրջանում իրավիճակի կայունացման կապակցությամբ»։
Նշվում է, որ Ալիևն իր հերթին գոհունակություն է հայտնել Ադրբեջանի և Հունգարիայի բարեկամական հարաբերությունների համակողմանի զարգացման կապակցությամբ, ընդգծել, որ երկու երկրները սերտորեն համագործակցում են երկկողմ և Թյուրքական պետությունների կազմակերպության շրջանակում։
Նա նաև կարևորել է, որ Արցախի Ջրականի գյուղերից մեկի «վերականգնման նախագիծը կիրականացվի հունգարական ընկերությունների մասնակցությամբ»։ Նշվել է նաև, որ Ադրբեջանը և Հունգարիան հաջողությամբ համագործակցում են միջազգային կազմակերպությունների շրջանակներում և գոհունակություն են հայտնել առևտրատնտեսական և ներդրումային հարաբերությունների զարգացման կապակցությամբ։ Ընդգծվել է երկրների միջև էներգետիկ նախագծերի կարևորությունը։
Էմմա Չոբանյան
