Լեռնային Ղարաբաղում «հակաահաբեկչական գործողության» մասին տեղեկությունը ռուս խաղաղապահներին է փոխանցվել ռազմական գործողությունների մեկնարկից մի քանի րոպե առաջ։ Այս մասին Telegram-ի իր ալիքում գրել է ՌԴ ԱԳՆ պաշտոնական ներկայացուցիչ Մարիա Զախարովան։ «Լրատվամիջոցները տեղեկություններ են տարածում այն ​​մասին, թե, իբր, ադրբեջանական կողմը նախապես զգուշացրել է ռուս խաղաղապահներին Լեռնային Ղարաբաղում այսօրվա «հակաահաբեկչական գործողության» մասին։ Դա չի համապատասխանում իրականությանը։ …

ՀՀ վարչապետ Նիկոլ Փաշինյանը ուղիղ եթերում հայտարարությամբ է հանդես գալիս Ադրբեջանի հարձակման մասին։

Եվրոպական խորհրդի նախագահ Շառլ Միշելը հայտարարել է, որ Ադրբեջանի ռազմական գործողությունները պետք է անհապաղ դադարեցվեն՝ Բաքվի և Ղարաբաղի հայերի միջև իսկական երկխոսություն սկսելու համար։ «Այսօր սարսափելի լուրեր են ստացվում նախկին Լեռնային Ղարաբաղի մարզից։ Ադրբեջանի ռազմական գործողությունները պետք է անհապաղ դադարեցվեն՝ Բաքվի և Ղարաբաղի հայերի միջև իսկական երկխոսություն սկսելու համար»,- գրել է Շառլ Միշելը X-ի միկրոբլոգում։ Հիշեցնենք, …

Կան բազմաթիվ զոհեր և վիրավորներ խաղաղ բնակչության շրջանում, այդ թվում՝ երեխաներ։ X-ի իր էջում այս մասին գրել է Արցախի ՄԻՊ Գեղամ Ստեփանյանը։ «Այս պահին հավաքագրված տվյալների համաձայն կա առնվազն 2 զոհ, այդ թվում՝ մեկ երեխա և 11 վիրավոր, այդ թվում՝ 8 երեխա՝ Ադրբեջանի հարձակումների հետևանքով»,- ասվում է Ստեփանյանի գրառման մեջ։      

Արցախից լրագրող Սիրանույշ Սարգսյանը տեղեկացնում է, որ Ադրբեջանի զինված ուժերը Ստեփանակերտում բնակելի շենք են հրետակոծել։ «Ադրբեջանը հրետակոծում է Ստեփանակերտի քաղաքացիական բնակելի շրջանները։ Սա մեր կողքին գտնվող շենքն է, որի մերձակայքում ռազմական թիրախ չկա»,- գրել է Սարգսյանը X-ի իր էջում՝ տեսանյութ հրապարակելով։    

Ռուսական կողմը Հայաստանին չի տեղեկացրել Ադրբեջանի կողմից Լեռնային Ղարաբաղում «հակաահաբեկչական միջոցառումների» անվան տակ ռազմական գործողություններ իրականացնելու մասին:  Factor TV-ի հետ զրույցում տեղեկացրել է վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը: Հիշեցնենք՝ Ադրբեջանի ՊՆ-ն հայտարարել էր, թե ռուսական խաղաղապահ առաքելությանը և ռուս-թուրքական մոնիտորինգային կենտրոնին տեղեկացվել է «ԼՂ-ում հակաահաբեկչական գործողություն» իրականացնելու մասին։

ԼՂ ՊՆ-ն-ից հայտնում են, որ սեպտեմբերի 19-ին՝ ժամը 13։00֊ի սահմաններում, ադրբեջանական զինուժը, շփման գծի ամբողջ երկայնքով իրականացնելով հրթիռահրետանային նախապատրաստություն, փորձում է առաջանալ ԼՂ ՊԲ պաշտպանության խորքը․ տեղեկացնում են ԱՀ ՊՆ-ից։ Յուրային զորքերը ցուցաբերում են համառ դիմադրություն։ ԱՀ ՊՆ-ն հայտնում է նաև, որ հանդես կգա լրացուցիչ հաղորդագրությամբ։

Ազգային անվտանգության և ռազմական հարցերով փորձագետ Հրաչյա Արզումանյանը Factor TV-ին տված հարցազրույցում խոսել է Արցախի դեմ Ադրբեջանի սկսած ռազմական հարձակման, Ռուսաստանի խաղաղապահների կողմից անվտանգային պարտականությունները չկատարելու փաստի, Հայաստանի իշխանության անելիքների մասին։ Հարցազրույցն ամբողջությամբ՝ տեսանյութում։ Ռոբերտ Անանյան

Սա Ադրբեջանի հերթական ռազմական արկածախնդրությունն է և հետևանքն է ռազմական բոլոր հանցագործությունների անպատժելիության։ Այս մասին Factor.am-ի հետ զրույցում ասաց արցախցի բնակիչ Հովիկ Ավանեսովը։ «Բոլոր այն կեղծ լուրերը, որոնց Ադրբեջանը տարածում է, նպատակն հենց այս ահաբեկչական գործողություններ իրականացնելն է։ Ասկերանում եմ, այս պահին էլ կրակում են»,-ասաց նա՝ նշելով, որ այս պահին զոհերի և վիրավորների մասին տեղեկություններ …

ՀՀ ԱԳՆ-ն հայտարարություն է տարածել, որում ասվում է․ «Սեպտեմբերի 19-ին Ադրբեջանը սանձազերծել է հերթական լայնածավալ ագրեսիան Լեռնային Ղարաբաղի ժողովրդի նկատմամբ՝ նպատակ ունենալով ավարտին հասցնել էթնիկ զտումների իր քաղաքականությունը։ Առաջնորդվելով անպատժելիության զգացումով՝ Ադրբեջանը բացահայտորեն ստանձնել է ագրեսիայի պատասխանատվությունը։ Ադրբեջանի պաշտպանության նախարարությունը հայտարարել է, որ Լեռնային Ղարաբաղում՝ ՌԴ խաղաղապահ զորախմբի պատասխանատվության գոտում սկսում է «հակաահաբեկչական միջոցառումներ», որի …