Քաղաքականություն
12.02.2024 | 15:29
Դնեպրոպետրովսկի շրջանի վարչակազմի ղեկավար Սերգեյ Լիսակը երկուշաբթի առավոտյան որոշ մանրամասներ է հայտնել կիրակի ուշ երեկոյան «շահեդների» գրոհի հետևանքների մասին, գրում է BBC-ի ռուսական ծառայությունը։
Լիսակի խոսքով՝ անօդաչու թռչող սարքի հարձակման հետևանքով Պավլոգրադի մարզում 29 հազար բաժանորդ մնացել է առանց էլեկտրականության, Տերնովկա քաղաքում էլ 10 հազար բնակարանի և առանձնատուն մնացել է առանց ջրամատակարարման։
«Ուկրէներգո» ընկերությունը երկուշաբթի առավոտյան հայտնել է, որ գիշերային գրոհի ժամանակ Ռուսաստանի կողմից արձակված «շահեդները» հարվածներ են հասցրել Դնեպրոպետրովսկի մարզում գտնվող էլեկտրական ենթակայանին, ինչի հետևանքով երկու շրջանների սպառողները հոսանքազրկվել են։
Սերգեյ Լիսակը Telegram-ում հայտնել է, որ Պավլոգրադսկի շրջանում վեց անօդաչու թռչող սարք է խոցվել, իսկ Նովոմոսկովսկի շրջանում՝ մեկ հրթիռ։
Հիշեցնենք, որ Ուկրաինայի ԶՈւ-ն այսօր ավելի վաղ հայտնել էր, որ փետրվարի 12-ի գիշերը ՌԴ-ն Ուկրաինայում թիրախների ուղղությամբ 17 ԱԹՍ է արձակել, որոնցից 14-ը խոցվել են։
