ՆԳՆ ոստիկանության Նաիրիի բաժնի քրեական հետախույզների ձեռնարկած միջոցառումների արդյունքում Բավրայի սահմանային վերահսկողության անցակետում հայտնաբերվել և Նաիրիի բաժին է տեղափոխվել 25-ամյա Կարեն Ս.-ն, որը ոստիկանության Կենտրոնական բաժնի կողմից հետախուզվում էր ՀՀ նախկին քրեական օրենսգրքի 312-րդ հոդվածի (Կաշառք տալը) մեղադրանքով․ տեղեկացնում են ՆԳՆ ոստիկանությունից։ Խափանման միջոցը՝ ստորագրություն:

Նոյեմբերի 30-ին Սկոպյեում ՀՀ ԱԳ նախարար Արարատ Միրզոյանը հանդիպում է ունեցել Դանիայի Թագավորության ԱԳ նախարար Լարս Լոկե Ռասմուսենի հետ։ Հանդիպումը կայացել է ԵԱՀԿ նախարարական 30-րդ համաժողովի շրջանակներում․ տեղեկացնում են ՀՀ ԱԳՆ-ից։ Հանդիպման ընթացքում զրուցակիցները քննարկել են երկկողմ և տարածաշրջանային օրակարգի հարցեր, ինչպես նաև մտքեր փոխանակել ՀՀ և ԵՄ միջև խորացող գործընկերության հիմնական ուղղությունների շուրջ։ Հարավային …

Ադրբեջանի արտաքին գործերի նախարար Ջեյհուն Բայրամովը Սկոպյեում ԵԱՀԿ 30-րդ նախարարական խորհրդի շրջանակներում  հանդիպել է ԵԱՀԿ գլխավոր քարտուղար Հելգա Շմիդի հետ։ Ադրբեջանի ԱԳՆ հաղորդմամբ՝ hանդիպման ընթացքում մտքերի փոխանակություն է տեղի ունեցել Ադրբեջան-ԵԱՀԿ երկկողմ համագործակցության օրակարգի հիմնական ուղղությունների, ներկայումս ԵԱՀԿ-ի առջև ծառացած մարտահրավերների, ինչպես նաև տարածաշրջանային և միջազգային անվտանգության հարցերի շուրջ։ Բայրամովը նշել է միջազգային իրավունքի հիմնական …

Ըստ ոստիկանության օպերատիվ հաղորդագրությունների ամփոփագրերի՝ նոյեմբերի 30-ից դեկտեմբերի 1-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 69 դեպք, որոնցից 2-ը՝ նախկինում կատարված․ տեղեկացնում են ՆԳՆ-ից։ Մասնավորապես՝ թմրամիջոցի հայտնաբերման՝ 18, մարմնական վնասվածք պատճառելու և անձնական ունեցվածքի գողության՝ 8-ական, ֆիզիկական ներգործության ու խարդախության՝ 7-ական, թմրանյութի իրացման՝ 6, հոգեկան ներգործության՝ 2, խոշտանգման, սեքսուալ բնույթի բռնի գործողությունների, վստահված …

ՌԴ վարչապետ Միխայիլ Միշուստինը հեռախոսազրույց է ունեցել Ադրբեջանի իր գործընկեր Ալի Ասադովի հետ։ Ռուսաստանի կառավարության փոխացմամբ՝ Միշուստինը շնորհավորել է Ասադովին ծննդյան օրվա առթիվ։ Նշվում է, որ երկու երկրների վարչապետները քննարկել են ռուս-ադրբեջանական առևտրատնտեսական համագործակցության ընթացիկ հարցերը։ «Առանձնահատուկ ուշադրություն է դարձվել Անկախ Պետությունների Համագործակցության շրջանակներում համագործակցության ակտիվացմանը»,-  ասված է հաղորդագրության մեջ։

Համաշխարհային բանկը Ուկրաինային 1,2 միլիարդ դոլարի վարկ կտրամադրի՝ Ճապոնիայի կառավարության երաշխավորությամբ, հաղորդում է բանկի մամուլի ծառայությունը, գրում է Korrespondent-ը։ Միջոցները կուղղվեն սոցիալական աջակցության 29 ծրագրերի`  ծնողազուրկ երեխաներին, խնամքի տակ գտնվող երեխաներին, սոցիալապես անապահով ուսանողներին, ինչպես նաև` Չեռնոբիլի ատոմակայանի աղետից տուժածներին և թրաֆիքինգի զոհերին։ «Ակնկալվում է, որ այս նախագիծը կհասնի գրեթե 10 միլիոն ուկրաինացիների ամենամեծ կարիքի …

Ֆինլանդիայի կառավարությունը Պետխորհրդի նիստում խզել է Ռուսաստանի հետ սահմանային համագործակցության մասին համաձայնագիրը, որը կնքվել էր 2012 թ.: Համագործակցության դադարեցումը նախաձեռնել է ռուսական կողմը, որը հոկտեմբերի վերջին համապատասխան ծանուցում է ուղարկել Ֆինլանդիայի ԱԳՆ, գրում է VOA-ն։ Անդրսահմանային համագործակցության մասին համաձայնագրի գործողությունը կավարտվի 2024 թվականի հունվարի 24-ին, ասվում է Ֆինլանդիայի կառավարության հայտարարության մեջ։ Այն գործում էր արդեն …