07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
«Ջրային կառույցներ» ՓԲԸ-ն կլուծարվի
Հասարակություն
11.03.2024 | 13:02
Երևանի քաղաքապետ Տիգրան Ավինյանը որոշել է լուծարել քաղաքապետարանի ենթակայությամբ գործող «Ջրային կառույցներ» ՓԲԸ-ն։ Նախագիծն ընդգրկված է ավագանու հերթական նիստի օրակարգում, չզեկուցվող է։
Ընկերությունն իրականացնում էր Երևան քաղաքի ջրային կառույցների շահագործումն ու պահպանությունը, կանաչ տարածքների պահպանման համար ապահովում էր ջրի իրացումը, նախագծում, կառուցում կամ արդիականացնում ոռոգման համակարգերը։
Նախագծի հիմնավորման մեջ նշված է, որ ընկերության հետագա գործունեությունը նպատակահարմար չէ։ Նախատեսվում է «Ջրային կառույցներ» փակ բաժնետիրական ընկերության աշխատակիցներին տեղաբաշխել «Կանաչապատում և շրջակա միջավայրի պահպանություն» ՀՈԱԿ-ի ենթակայության տակ։
Արփի Հակոբյան
