Արցախից լրագրող Սիրանույշ Սարգսյանը տեղեկացնում է, որ Ադրբեջանի զինված ուժերը Ստեփանակերտում բնակելի շենք են հրետակոծել։ «Ադրբեջանը հրետակոծում է Ստեփանակերտի քաղաքացիական բնակելի շրջանները։ Սա մեր կողքին գտնվող շենքն է, որի մերձակայքում ռազմական թիրախ չկա»,- գրել է Սարգսյանը X-ի իր էջում՝ տեսանյութ հրապարակելով։    

Ռուսական կողմը Հայաստանին չի տեղեկացրել Ադրբեջանի կողմից Լեռնային Ղարաբաղում «հակաահաբեկչական միջոցառումների» անվան տակ ռազմական գործողություններ իրականացնելու մասին:  Factor TV-ի հետ զրույցում տեղեկացրել է վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը: Հիշեցնենք՝ Ադրբեջանի ՊՆ-ն հայտարարել էր, թե ռուսական խաղաղապահ առաքելությանը և ռուս-թուրքական մոնիտորինգային կենտրոնին տեղեկացվել է «ԼՂ-ում հակաահաբեկչական գործողություն» իրականացնելու մասին։

ԼՂ ՊՆ-ն-ից հայտնում են, որ սեպտեմբերի 19-ին՝ ժամը 13։00֊ի սահմաններում, ադրբեջանական զինուժը, շփման գծի ամբողջ երկայնքով իրականացնելով հրթիռահրետանային նախապատրաստություն, փորձում է առաջանալ ԼՂ ՊԲ պաշտպանության խորքը․ տեղեկացնում են ԱՀ ՊՆ-ից։ Յուրային զորքերը ցուցաբերում են համառ դիմադրություն։ ԱՀ ՊՆ-ն հայտնում է նաև, որ հանդես կգա լրացուցիչ հաղորդագրությամբ։

Ազգային անվտանգության և ռազմական հարցերով փորձագետ Հրաչյա Արզումանյանը Factor TV-ին տված հարցազրույցում խոսել է Արցախի դեմ Ադրբեջանի սկսած ռազմական հարձակման, Ռուսաստանի խաղաղապահների կողմից անվտանգային պարտականությունները չկատարելու փաստի, Հայաստանի իշխանության անելիքների մասին։ Հարցազրույցն ամբողջությամբ՝ տեսանյութում։ Ռոբերտ Անանյան

Սա Ադրբեջանի հերթական ռազմական արկածախնդրությունն է և հետևանքն է ռազմական բոլոր հանցագործությունների անպատժելիության։ Այս մասին Factor.am-ի հետ զրույցում ասաց արցախցի բնակիչ Հովիկ Ավանեսովը։ «Բոլոր այն կեղծ լուրերը, որոնց Ադրբեջանը տարածում է, նպատակն հենց այս ահաբեկչական գործողություններ իրականացնելն է։ Ասկերանում եմ, այս պահին էլ կրակում են»,-ասաց նա՝ նշելով, որ այս պահին զոհերի և վիրավորների մասին տեղեկություններ …

ՀՀ ԱԳՆ-ն հայտարարություն է տարածել, որում ասվում է․ «Սեպտեմբերի 19-ին Ադրբեջանը սանձազերծել է հերթական լայնածավալ ագրեսիան Լեռնային Ղարաբաղի ժողովրդի նկատմամբ՝ նպատակ ունենալով ավարտին հասցնել էթնիկ զտումների իր քաղաքականությունը։ Առաջնորդվելով անպատժելիության զգացումով՝ Ադրբեջանը բացահայտորեն ստանձնել է ագրեսիայի պատասխանատվությունը։ Ադրբեջանի պաշտպանության նախարարությունը հայտարարել է, որ Լեռնային Ղարաբաղում՝ ՌԴ խաղաղապահ զորախմբի պատասխանատվության գոտում սկսում է «հակաահաբեկչական միջոցառումներ», որի …

Ադրբեջանական լրատվամիջոցները հայտնում են, որ Բաքուն փակել է Ադրբեջանի օդային տարածքը Հայաստանի համար։ «Ղարաբաղում սահմանադրական կարգը վերականգնելու նպատակով հակաահաբեկչական գործողության մեկնարկից հետո Ադրբեջանը փակել է իր օդային տարածքը Հայաստանի համար»,- գրում են ադրբեջանական աղբյուրները։ Հիշեցնենք, որ այսօր Ադրբեջանի ԶՈՒ ստորաբաժանումները սկսել են հարվածներ հասցնել Ստեփանակերտին՝ սա հիմնավորելով «Ղարաբաղում սահմանադրական կարգը վերականգնելու» մտադրությամբ։ Ադրբեջանի ՊՆ-ն հայտնել …

Վարչապետ Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ․ տեղեկացնում են ԱԽ գրասենյակից։ Նիստի օրակարգում քննարկվում են Ադրբեջանի կողմից Լեռնային Ղարաբաղի նկատմամբ սանձազերծած լայնածավալ ռազմական գործողությունները:

Ադրբեջանի պաշտպանության նախարար Զաքիր Հասանովը հեռախոսազրույց է ունեցել  Թուրքիայի պաշտպանության նախարար Յաշար Գյուլերի հետ։ Ըստ Ադրբեջանի ՊՆ-ի՝ Հասանովը տեղեկացրել է այսօր Բաքվի կողմից Արցախում իրականացվող հերթական ագրեսիայի մասին։ Ադրբեջանական կողմի համաձայն՝ Գյուլերն իր հերթին շեշտել է, որ Թուրքիան, ինչպես միշտ, սատարում է Ադրբեջանին։ Էմմա Չոբանյան

Ադրբեջանը լայնածավալ հարձակում է նախաձեռնել ԼՂ-ի վրա՝ թիրախավորելով նաև բնակավայրերի շրջակա տարածքները, այդ թվում՝ Ստեփանակերտը, հայտարարել է ԼՂ մարդու իրավունքների պաշտպանը։ Գեղամ Ստեփանյանն ընդգծել է՝ «Սա ցեղասպանություն է, ոչ ավելին։ Իսկ միջնորդները մեզ իրավունք ու անվտանգություն են խոստանում Ադրբեջանի կազմում»։ Ինչպես տեղեկացրել էինք՝ Ադրբեջանը ռմբակոծում է Լեռնային Ղարաբաղը, այդ թվում՝ Ստեփանակերտը: Քաղաքում հայտարարվել է օդային տագնապ: Հարձակման …