Գիշերը վթարվել է Արզնի 2 – Երևան մայրուղային ջրատարը։ Այս մասին հայտնում է Վեոլիա Ջուր ընկերությունը։ «Երևանի «Կորեայի ձոր» կոչվող հատվածում ժայռաբեկորների թափման, Հրազդան գետի հունի փոխվելու հետևանքով ջրատարը հայտնվել է գետի մեջ և հերթական անգամ վթարվել։ Թեպետ գիշերվանից #ՎեոլիաԹիմը վթարի վայրում է, սակայն աշխատանքի ծավալն ահռելի է և կտեւի մի քանի օր։ Դա նշանակում …

Լեհաստանի Հանրապետության իրավասու մարմինը բավարարել է Հայաստանի Հանրապետության գլխավոր դատախազության միջնորդությունը և հետախուզվող անձ Փ.Մ.-ին, ով մեղադրվում է իրեն վստահված ավելի քան 280 մլն դրամը յուրացնելու մեջ, հանձնել է Հայաստանի իրավասու մարմիններին: Այս մասին հայտնում է ՀՀ գլխավոր դատախազությունը։ ՀՀ գլխավոր դատախազության հանձնարարությամբ՝ Ներքին գործերի նախարարության ոստիկանության աշխատակիցների կողմից ապահովվել է Փ.Մ.-ի տեղափոխումը Երևան:  

Մարտի 10-ին՝ ժամը 20։00-ի դրությամբ, Ջերմուկի խաչմերուկից մինչև Սիսիանի «Զանգեր» կոչվող ճանապարհահատվածը փակ է կցորդով տրանսպորտային միջոցների համար։ Այս մասին հաղորդում են Ճանապարհային դեպարտամենտ հիմնադրամից։ Վարդենյաց լեռնանցքը դժվարանցանելի է կցորդով տրանսպորտային միջոցների համար։

Հնդկաստանը ռազմավարական նշանակության արտահանումներն իրականացնելու նպատակով օդային միջանցք է ստեղծում դեպի Հայաստան: Այս մասին հաղորդում է IADN-ը (Հնդկական օդատիեզերական պաշտպանության նորություններ): «HAL & CONCOR-ը նույն նպատակով ստեղծել է HALCON՝ համատեղ աշխատանքային խումբ: Սա կուժեղացնի Հնդկաստանի և Հայաստանի միջև լոգիստիկան»,- նշված է հաղորդագրությունում։

Factor TV-ի A-politic հաղորդաշարի հյուրն է ճարտարապետ, «Հայկական մոդերնիզմ» թանգարանի տնօրեն Անահիտ Թարխանյանը: Անդրադառնալով Երևանի Կոնդ թաղամասի վերակառուցման խնդրին՝ նա կարևորել է, որ «Երևաննախագիծն» ամփոփի ճարտարապետների տարբեր գաղափարները և ձևակերպի վերակառուցման ընդհանուր տեսլականը: Առանցքայինը, նրա կարծիքով, պետք է լինի զբոսաշրջիկների համար գրավիչ պատկերը, որը հնարավորություն կտա ծանոթանալ մեր ժողովրդի կենցաղին, արվեստին և արհեստներին: Խոսելով 1960-70-ական …

Դեղատոմսով տրվող դեղերը՝ էլեկտրոնային. նոր կարգի մանրամասների վերաբերյալ խոսել է Առողջապահության նախարարի տեղակալ Արտակ Ջումայանը։ Ավելին՝ կառավարության տեսանյութում։

Երևանի Թամանյանի թանգարանում «Իմ տունն Արցախում» ցուցահանդեսը ներկայացնում է Լեռնային Ղարաբաղի հայերի թողած կյանքը, որոնք ստիպված են եղել լքել իրենց տները։ Այս մասին X-ում գրել է  Հայաստանում Ֆրանսիայի դեսպան Օլիվիե ԴըԿոտինյին: «Աջակցություն Լեռնային Ղարաբաղից փախստականներին Հայաստանում՝ առանց նրանց իրավունքների, առաջին հերթին՝ վերադարձի իրավունքից հրաժարվելու»,- գրել է դեսպանը:  

Կառավարության՝ ջերմատնային տնտեսությունների զարգացման աջակցության հերթական ծրագրով մրցունակ արտադրանք ունենալու և նոր տեխնոլոգիաներով կառավարվող գյուղատնտեսությունը զարգացնելու համար հնարավոր է մինչև 3 միլիարդ դրամ վարկային ռեսուրսներ ներգրավել: Այս մասին հաղորդում են ՀՀ կառավարությունից՝ հավելելով, որ տոկոսադրույքի 10 տոկոսը կսուբսիդավորի պետությունը: Մանրամասները՝ տեսանյութում։

Մարտի 10-ին՝ ժամը 17։00-ի դրությամբ, Արարատի, Եղեգնաձորի, Վայքի, Սիսիանի, Գորիսի, Մեղրիի, Թալինի, Դիլիջանի, Սևանի, Մարտունիի, Ճամբարակի, Վարդենիսի տարածաշրջաններում ձյուն է տեղում։ Այս մասին հաղորդում են Ճանապարհային դեպարտամենտ հիմնադրամից։ Աշոցքի տարածաշրջանի ավտոճանապարհներին բուք է։ Միջպետական և հանրապետական նշանակության բոլոր ավտոճանապարհները բաց են: Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: