14.05.2025 | 23:30
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին
Կազանի օդանավակայանի աշխատանքը սահմանափակվել է
Քաղաքականություն
20.01.2025 | 16:03
Թաթարստանի ղեկավար Ռուստամ Միննիխանովի մամուլի ծառայությունը հայտնել է, որ անօդաչուները փորձել են հարձակվել արդյունաբերական ձեռնարկությունների վրա, սակայն դրանք ոչնչացվել են։ ՌԴ պաշտպանության նախարարությունը հայտնել է, որ Ռուսաստանի տարածքում 31 անօդաչու թռչող սարք է խոցվել, գրում է Current Time-ը։
Ռուսական Telegram ալիքները հաղորդում են հունվարի 20-ի վաղ առավոտից Կազանի ուղղությամբ անօդաչու թռչող սարքերի հարվածների մասին։ Astra-ն, «Օստորոժնո նովոստի» և Baza-ն գրել են, որ քաղաքի բնակիչները պայթյուններ են լսել քաղաքի մի քանի շրջաններում։
Ինչպես հայտնում է Shot Telegram ալիքը, անօդաչու սարքը նկատել են Կազանի Ավիաստրոյիտելնի թաղամասում։ Ականատեսների վկայությամբ՝ անօդաչու թռչող սարքը բախվել է Ս.Պ․ Գորբունովի անվան Կազանի ավիացիոն գործարանի դատարկ վառելիքի բաքին։
Telegram ալիքները նաև հայտնում են, որ պայթյուն տեղի է ունեցել նաև Կազանի ավիացիոն գործարանի տարածքում։
Պայթյուններ են լսվել նաև քաղաքի Մոսկովսկի, Կիրովսկի և Նովո-Սավինսկի թաղամասերում, հայտնում է Baza-ն։ Տեղեկացվում է, որ ևս մեկ հարձակման թիրախ է եղել Բորիսոգլեբսկոյե օդանավակայանի վառելիքի ռեզերվուարները։
Թռիչքների սահմանափակումներ են մտցվել Կազանի, Նիժնեկամսկի և Իժևսկի օդանավակայաններում։
Իր հերթին Կալուգայի մարզի նահանգապետ Վլադիսլավ Շապշան հայտնել է, որ խոցված անօդաչու թռչող սարքերից մեկի բեկորներն ընկել են ձեռնարկության տարածքում, որից հետո հրդեհ է բռնկվել, որն մարվել է։ Նա չի մանրամասնել, թե որ ձեռնարկության մասին է խոսքը։ Ըստ մարզպետի՝ ավերածություններ կամ զոհեր չկան։
Թարգմանությունը՝ Տաթև Ֆռանգյանի
