Գյումրիի նախկին քաղաքապետ Վարդան Ղուկասյանին և նրա թիկնապահին ոստիկանությունից ազատ արձակեցին: Տեղեկությունը Factor.am-ի հետ զրույցում ասաց ՆԳՆ խոսնակը։ Ներքին գործերի նախարարությունից հայտնել էին, որ նրանց ձերբակալել և տեղափոխել էին քրեական ոստիկանություն Շիրակի մարզային վարչություն ապօրինի զենք-զինամթերք պահելու և կրելու կասկածանքով: Ձերբակալվել է Վարդան Ղուկասյանը

Տարածքային կառավարման և ենթակառուցվածքների նախարար Դավիթ Խուդաթյանն այսօր աշխատանքային խորհրդակցություն է անցկացրել էներգետիկ համակարգի պատասխանատուների հետ։ «Քննարկել ենք համակարգի ընթացիկ վիճակը և հրատապ լուծում պահանջող հարցերը։ Զեկուցվել են առկա խնդիրները, քննարկել ենք լուծման տարբերակները։ Անդրադարձ է կատարվել աշխատանքային այլ հարցերի ևս»,- գրել է նախարարը։

Վրաստանի իշխող «Վրացական երազանք» կուսակցությունից խորհրդարանի փոխխոսնակ Գիորգի Վոլսկին հայտարարել է, որ այս փուլում «3+3» ձևաչափին միանալը Վրաստանի համար ո՛չ քաղաքականապես, ո՛չ էլ տնտեսապես արդարացված չէ, թեև չի բացառվում, որ ապագայում այս իրողությունը փոխվի, գրում է netgazeti.ge-ն։ Նա նշել է, որ այս ձևաչափին մասնակցող երկրները դեռևս չեն կարգավորել իրենց հարաբերությունները միմյանց հետ։ «Աշխարհում տեղի ունեցող …

Վարչապետ Նիկոլ Փաշինյանի գլխավորությամբ Կառավարությունում տեղի է ունեցել խորհրդակցություն, որի ընթացքում քննարկվել են անկանխիկ գործառնությունների խթանման միջոցառումների հնարավոր ազդեցությունները և այլընտրանքային մեխանիզմները․ տեղեկացնում են ՀՀ վարչապետի աշխատակազմից։ Վարչապետ Փաշինյանի խոսքով՝ այս տարի արձանագրվել է, որ Հայաստանում անկանխիկ վճարումների ծավալները գերազանցում են կանխիկի ծավալներին: «Սա մեզ համար ուրախալի փաստ է, որովհետև այս իրավիճակը մենք նկարագրել ենք որպես …

ՀՖՖ-ից են, որ Հակոբ Տոնոյանի անվան Սուպերգավաթի հանդիպումը չի կայանա: «Հայաստանի ֆուտբոլի ֆեդերացիայի, «Հանրապետական» մարզադաշտի և Ֆուտբոլի ակադեմիայի աշխատակիցները գործադրեցին բոլոր ջանքերը՝ խաղադաշտը պատշաճ տեսքի բերելու համար, սակայն առատ ձյան և եղանակային անբարենպաստ պայմանների պատճառով հանդիպման կայացումը դարձավ անհնար: Հանդիպման կայացման նոր ժամկետի մասին կհայտնենք լրացուցիչ»,- ասված է հաղորդագրությունում։ Նշենք, որ միմյանց դեմ պիտի մրցեին …

Փետրվարի 20-ին Վիեննայում անցկացվող ԵԱՀԿ Խորհրդարանական վեհաժողովի ձմեռային նստաշրջանի շրջանակներում տեղի է ունեցել Հայաստանի և Թուրքիայի պատվիրակությունների հանդիպումը․ տեղեկացնում է «Քաղաքացիական պայմանագիր» խմբակցության պատգամավոր Սարգիս Խանդանյանը։ «Հանդիպմանը քննարկվել են երկու երկրների միջև հարաբերությունների կարգավորմանը վերաբերող հարցեր: Երկկողմ կարևորվել է տարածաշրջանի ճանապարհների և այլ ենթակառուցվածքների շուտափույթ ապաշրջափակումը եւ տնտեսական հարաբերությունների զարգացումը»

Մեծ Բրիտանիայի վարչապետ Քիր Սթարմերը ԱՄՆ նախագահ Դոնալդ Թրամփին կներկայացնի Ուկրաինա մինչև 30 հազար եվրոպացի զինվորական ուղարկելու ծրագիրը։ Այս մասին գրում է Telegraph-ը, որին վկայակոչում է BBC-ի ռուսական ծառայությունը։ Ակնկալվում է, որ հաջորդ շաբաթ Թրամփի հետ հանդիպմանը նա մանրամասն կպատմի, թե ինչպես կարող են եվրոպական զորքերն ապահովել հրադադարը, որը կարող է կնքվել Վաշինգտոնի միջնորդությամբ։ Ըստ …

Միլիարդատեր Դմիտրի Ռիբոլովլևը, որն ապրում է Մոնակոյում և խուսափում է արևմտյան պատժամիջոցներից, ներառվել է Սաուդյան Արաբիայում ԱՄՆ ներկայացուցիչների հետ բանակցություններ վարող ռուսական պատվիրակության կազմում, հայտնում է The Telegraph-ը։ Նշվում է, որ հանդիպումից լուսանկարում 58-ամյա Ռիբոլովլևը նկատվել է ՌԴ արտգործնախարար Սերգեյ Լավրովի և նախագահի օգնական Յուրի Ուշակովի հետ Էր Ռիադի Դիրիա պալատում՝ Սաուդյան իշխող դինաստիայի նստավայրերից …

Հանրապետության Մ-1 ավտոճանապարհի Մաստարա-Լանջիկ հատվածում մեկ տասնյակից ավելի մեքենաներ են բախվել։ Այս մասին «Ֆեյսբուք» սոցիալական ցանցի իր էջում գրել է ՆԳ նախարարության մամուլի խոսնակ Նարեկ Սարգսյանը Ըստ նախնական տվյալների՝ այս պահին կա 4 տուժած, դեպի Երևան ճանապարհը երկկողմանի փակվել է: Նշված հատվածում ծառայություն են իրականացնում ՆԳՆ Փրկարար ծառայության և Ոստիկանության աշխատակիցներ։ Ձեռնարկվում են միջոցառումներ ճանապարհահատվածը …