Շաբաթ օրը ժամը 21:00-ի սահմաններում Իրանի Տաբաս քաղաքի հանքերից մեկում գազի պայթյուն է տեղի ունեցել։ Միջադեպի հետևանքով զոհվել է առնվազն 51, վիրավորվել՝ 17 մարդ։ Անմիջապես դեպքի վայր են մեկնել փրկարարական ջոկատները։ Կատարվում են փրկարարական աշխատանքներ․ գրում է իրանական Mehr գործակալությունը։

Երևանում սեպտեմբերի 22-ին կեսօրից հետո, 23-ին՝ ժամանակ առ ժամանակ սպասվում է, 24-ի ցերեկը հնարավոր է անձրև և ամպրոպ։ Ամպրոպի ժամանակ նաև քամու ուժգնացում՝ 18-21 մ/վ արագությամբ։ Սեպտեմբերի 24-ի գիշերը, 25-27-ին սպասվում է առանց տեղումների եղանակ։ Հանրապետությունում սեպտեմբերի 22-ի ցերեկը, 23-ի գիշերը՝ ժամանակ առ ժամանակ շրջանների զգալի մասում 23-ի ցերեկը, 24-ին՝ առանձին շրջաններում սպասվում է անձրև …

Rate.am-ում սեպտեմբերի 22-ին ներկայացված տարադրամի փոխարժեքները կանխիկ գործարքների համար հետևյալն են. ԱՄՆ դոլարի առքի առավելագույն արժեք է սահմանվել 386 դրամը, վաճառքի նվազագույն արժեք՝ 388 դրամը: Եվրոյի առքի առավելագույն արժեք է սահմանվել 430 դրամը, վաճառքի նվազագույն արժեք՝ 434 դրամը: Ռուսական ռուբլու առքի առավելագույն արժեք է սահմանվել 4.14 դրամը, վաճառքի նվազագույն արժեք՝ 4.20 դրամը:

Հայտնի բլոգեր Ալեքսանդր Լապշինն անդրադարձել է երեկ «Զվարթնոց»  օդանավակայանում իր հետ տեղի ունեցած միջադեպին։ «Ընդհանուր առմամբ 4 ժամ անցկացրել եմ նախ Երևանի «Զվարթնոց» օդանավակայանում, այնուհետև ոստիկանական բաժանմունքում։ Ի վերջո, հարցումը Բելառուսից էր, ինչպես պարզվեց, տվյալ դեպքում դա Ադրբեջանից չէր։ Ինձ մոլորեցրեց օդանավակայանի ոստիկաններից մեկը, ով բառացիորեն ասաց՝ «Նիկոլ Փաշինյանը պատրաստվում է քեզ վաճառել Ալիևին»,- ֆեյբուքի …

Սեպտեմբերի 22-27-ը ՀՀ ԱԳ նախարար Արարատ Միրզոյանն աշխատանքային այցով կգտնվի Նյու Յորքում՝ մասնակցելու ՄԱԿ-ի 79-րդ Գլխավոր ասամբելայի բարձր մակարդակի քննարկումներին: Այդ մասին հայտնում են ՀՀ ԱԳՆ-ից։ Նախարարը մասնակցելու միջոցառումների՝ հանդես գալով ելույթներով: Նախատեսված են հանդիպումներ տարբեր երկրների գործընկերների, ինչպես նաև միջազգային կազմակերպությունների բարձրաստիճան պաշտոնյաների հետ։ Քննարկումները կկենտրոնանան ինչպես բազմակողմ, այնպես էլ երկկողմ ձևաչափերում համագործակցության խթանման, …

Հանրային հեռուստաընկերությունից պարզաբանել են TikTok-ի կողմից լրատվամիջոցի էջը ՀՀ կառավարության կողմից վերահսկվող ԶԼՄ-ների շարքում ընդգրկելու թեմային։ Հիշեցնենք` Factor.am-ը երեկ հղում անելով Առաջին ալիքի էջին գրել էր, որ TikTok-ը այն համարում է պետության կողմից վերահսկվող, ինչպես օրինակ ռուսական լրատվամիջոցների դեպքում է։ «Աշխարհի տարբեր երկրներում երբեմն Հանրային հեռարձակողները բախվում են այդ խնդրին, այս հարցը ժամանակին քննարկվել է …

Ֆրանսիայի նոր կառավարության կազմում երկու հայ նախարար կա. տեղեկանում ենք France24-ից։ Աշխատանքի և զբաղվածության նախարար է նշանակվել Աստրիդ Փանոսյան-Բուվեն, իսկ Քաղաքացիական ծառայության, հանրային գործողությունների պարզեցման և վերափոխման հարցերով նախարար՝ Գիյոմ Գասպարյանը։

Առնվազն յոթ անձ է տուժել Իրանի արևելյան Բոջնուրդ քաղաքում տեղի ունեցած երկու հզոր երկրաշարժի հետևանքով․ հայտնում է Mehr-ը։ Կիրակի վաղ առավոտյան Հյուսիսային Խորասան նահանգի Բոջնուրդ քաղաքում 4.7 և 4.1 մագնիտուդ ուժգնությամբ երկու երկրաշարժ է տեղի ունեցել։ Փախուստի ժամանակ թեթև վնասվածքներ են ստացել 7 ​​հոգի։ Նրանք բոլորը բուժումից հետո դուրս են գրվել բժշկական կենտրոններից։

Սեպտեմբերի 23-ին՝ ժամը 11:00-ից մինչև 11:30-ն ընկած ժամանակահատվածում, Արագածոտնի մարզի Ռյա Թազա, իսկ ժամը 11։40-ից մինչև 12։00-ն Ալագյազ բնակավայրերում անցկացվելու են «Ազդարարում, պատսպարում, տարհանում» թեմայով ուսումնական վարժանքներ, որոնց ընթացքում գործարկվելու են էլեկտրական շչակներ: ՆԳՆ փրկարար ծառայությունից խնդրում են չանհանգստանալ։

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են. հայտնում են ՆԳՆ փրկարար ծառայությունից։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: Սեպտեմբերի 18-ից հոկտեմբերի 1-ը, ժամը 05:00-08:00-ն Ստեփանծմինդա-Լարս ավտոճանապարհը փակ է լինելու բոլոր տեսակի տրանսպորտային միջոցների համար։