04.05.2025 | 16:14
Եմենից արձակված հրթիռն ընկել է Իսրայելի Բեն Գուրիոնի անվան օդանավակայանի մոտակայքում
Ծանր հանցագործության դեպքերը նվազել են, առանձնապես ծանրերի թիվն՝ աճել․ Աննա Վարդապետյան․ ՏԵՍԱՆՅՈՒԹ
Հասարակություն
25.04.2025 | 10:32
«Նախորդ տարի հանրապետությունում արձանագրվել է հանցագործության դեպքերի 1,1 տոկոսով նվազում և բացահատման ցուցանիշի 3,4 տոկոսով աճ»,- այս մասին ԱԺ պետական-իրավական հարցերի մշտական հանձնաժողովի նիստում նախորդ տարվա տարեկան հաշվետվությունը ներկայացնելու ժամանակ ասաց Գլխավոր դատախազ Աննա Վարդապետյանը։
Նրա ներկայացմամբ՝ 2024 թվականին ՀՀ-ում արձանագրվել է հանցագործության 40232 դեպք, իսկ 2023-ին՝ 40666 դեպք, որոնցից 18 397-ը կատարվել ՝ Երևանում։
Վարդապետյանի փոխանցմամբ՝ անցած տարի հանցագործության դեպքերի թիվը նվազել է 434-ով։
«2024-ին նվազել են միջին և ծանր հանցագործությունների դեպքերը, մասնավորապես՝ ծանր դեպքերը նվազել են 598-ով։ Առանձնապես ծանր հանցագործության դեպքերն աճել են 422-ով կամ 25,1 տոկոսով։ Եթե 2023 թ-ին արձանագրվել էր 1678 դեպք, ապա 2024-ին՝ 2100։ 2024թ․ 9.9%-ով աճել են խարդախության հանցագործությունները, 25.1%-ով՝ համակարգչային տեխնիկայի միջոցով հափշտակությունները»,- մանրամասնեց Գլխավոր դատախազը։
Մանրամասները՝ տեսանյութում։
