05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Այսօր մենք Մեծ Եղեռնը հիշում ենք ոչ միայն սգով, այլև վճռականությամբ․ Ռուբիոն չի օգտագործել «ցեղասպանություն» բառը
Քաղաքականություն
25.04.2025 | 11:01
ԱՄՆ պետքարտուղար Մարկո Ռուբիոն Հայոց ցեղասպանության 110-րդ տարելիցի կապակցությամբ գրառում է արել X-ի իր միկրոբլոգում «ցեղասպանության» փոխարեն օգտագործելով «Մեծ Եղեռն» արտահայությունը։
«Աննկարագրելի կորստի ստվերի տակ հայ ժողովուրդը դիմացել է և հաղթանակ տարել։ Այսօր մենք Մեծ Եղեռնը հիշում ենք ոչ միայն սգով, այլև՝ վճռականությամբ։ Մենք հարգում ենք անցյալը և անհամբեր սպասում ենք աշխատելու Հայաստանի և տարածաշրջանի համար երկարատև խաղաղության, բարգավաճման և անվտանգության համար»,-նշել է ԱՄՆ պետքարտուղարը։
Հիշեցնենք, որ ԱՄՆ նախագահ Դոնալդ Թրամփը իր ուղերձում ևս «ցեղասպանության» փոխարեն օգտագործել էր «Մեծ Եղեռն» արտահայտությունը։ Իսկ ահա ԱՄՆ նախկին նախագահ Ջո Բայդենն իր նախագահության տարիներին ապրիլի 24-ի իր ուղերձներում օգտագործում էր հենց «ցեղասպանություն» բառը։
Թարգմանությունը՝ Էմմա Չոբանյանի
