ՀՀ փոխվարչապետ Մհեր Գրիգորյանը «Զվարթնոց» միջազգային օդանավակայանում դիմավորել է Վրաստանի վարչապետ Իրակլի Կոբախիձեին, ով ժամանել է Հայաստան` մասնակցելու ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովին՝ COP17-ին:

Ադրբեջանի և Ղազախստանի նախագահներ Իլհամ Ալիևն ու Կասիմ-Ժոմարտ Տոկաևը առցանց ձևաչափով պաշտոնապես բացել են Տրանսկասպյան օպտիկամանրաթելային կապի գիծը, հայտնում են ադրբեջանական լրատվամիջոցները։ «Թվային մետաքսի ճանապարհ» նախաձեռնության շրջանակում իրականացվող նախագիծը ստեղծում է Ասիայի և Եվրոպայի միջև տվյալների փոխանցման նոր երթուղի՝ մեծացնելով Միջին միջանցքի ռազմավարական նշանակությունը ոչ միայն տրանսպորտային, այլև թվային ոլորտում։ Կասպից ծովի հատակով անցկացված՝ շուրջ …

Հայաստանի և Ադրբեջանի միջև պայմանավորվածություն չկա անկլավների և էքսկլավների վերաբերյալ։ Այս մասին այսօր ճեպազրույցում նշեց վարչապետ Նիկոլ Փաշինյանը, որը երեկ հայտարարում էր, թե հարցը լուծվելու է տարածքների փոխանակմամբ: Միաժամանակ, Փաշինյանը տեղեկացրեց, որ այս սցենարը քննարկվող տարբերակներից մեկն է։ Նիկոլ Փաշինյանը նաև մի տարբերակ է ներկայացնում, որը ենթադրում է տարածքների տեղափոխություն։ Թե ինչպես է սա հնարավոր, …

Հանրապետության նախագահ Վահագն Խաչատուրյանն ընդունել է Ալժիրի Ժողովրդավարական Ժողովրդական Հանրապետության Ազգային խորհրդի նախագահ Ազուզ Նասրիին: Ողջունելով հյուրին՝ Հանրապետության նախագահը շնորհակալություն է հայտնել Հայաստանում անցկացվող COP17 համաժողովին մասնակցության համար՝ ընդգծելով, որ միջազգային այս կարևոր հարթակը լավ առիթ է նաև երկկողմ օրակարգին անդրադառնալու և համագործակցության նոր հեռանկարները քննարկելու համար: Վահագն Խաչատուրյանը բարձր է գնահատել Ալժիրի հետ ավելի …

Ադրբեջանական դպրոցներում հիջաբ կրելու արգելքի շուրջ բարձրացած աղմուկն ու Թուրքիայից հնչող քննադատությունները քննարկումների առիթ են դարձել թուրք-ադրբեջանական հնարավոր ճգնաժամի վերաբերյալ։ Factor TV-ի եթերում ԵՊՀ հայագիտական հետազոտությունների ինստիտուտի բաժնի վարիչ, թուրքագետ Նելլի Մինասյանն անդրադարձել է այս և տարածաշրջանային այլ զարգացումներին։ Խոսելով այն մասին՝ արդյո՞ք խաթարվում է «մեկ ազգ, երկու պետություն» սկզբունքը, թուրքագետը հորդորում է չշտապել գնահատականներում։ …

Ես՝ Գևորգ Ռազմիկի Փարսյանս, որոշում եմ կայացրել մասնակցել Կապան համայնքի ավագանու՝ նոյեմբերի 29-ին կայանալիք ընտրություններին, հայտնել է համայնքի գործող ղեկավարը։ «Հավատարիմ մնալով մեր սկզբունքներին և արժեքներին՝ Տեղական ինքնակառավարման մարմինների (ՏԻՄ) համամասնական ընտրակարգով անցկացվող ընտրություններին գլխավորելու եմ «Շանթ դաշինք» ազգայնական կուսակցության ընտրական ցուցակը: Այս առաջադրումն ինքնանպատակ քայլ չէ, այլ արդեն իրականացված ծրագրերի շարունակականությունն ապահովելու, սկսածը ավարտին …

Ապտակ ու կոպիտ վերաբերմունք․ 55-ամյա ուսուցչուհին 6-ամյա տղային այդպես պատժել է չկարդալու և տուն գնալու ցանկություն հայտնելու համար։ Դեպքը տեղի է ունեցել Սիսիանում՝ դասապատրաստման ժամանակ։ Ըստ Ներքին գործերի նախարարության՝ դեպքը հեռախոսով տեսանկարահանել է երեխայի անչափահաս եղբայրը, իսկ մայրը հրաժարվել է հաղորդում տալ կատարվածի վերաբերյալ։ Սակայն ծնողի՝ հաղորդում տալուց հրաժարվելը չպետք է խոչընդոտի դեպքի քննությանը՝ ընդգծում …

Վարչապետ Նիկոլ Փաշինյանն ընդունել է Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոյին։ Հանդիպմանը քննարկվել են Հայաստանի և կազմակերպության համագործակցությունը, տարածաշրջանային խաղաղության հաստատման հեռանկարներն ու 2027 թվականին Հայաստանում Ֆրանկոֆոնիայի միջազգային մարզամշակութային խաղերի անցկացման նախապատրաստական աշխատանքները։ «Վարչապետ Նիկոլ Փաշինյանը Կառավարությունում հյուրընկալել է Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոյին։ Վարչապետը ողջունել է տիկին Մուշիկիվաբոյի այցը Հայաստան և …

Չորեքշաբթի վաղ առավոտյան Թուրքիայի կառավարությունը պետության կողմից նշանակված հոգաբարձուների միջոցով վերահսկողություն է հաստատել ընդդիմադիր Halk TV հեռուստաալիքի նկատմամբ՝ դադարեցնելով դրա ուղիղ հեռարձակումները։ Մինչ այդ, ոստիկանությունը խուզարկել է հեռուստատեսության Ստամբուլի գլխավոր գրասենյակը, գրում է Turkish Minute-ը։ Ստամբուլի Գլխավոր դատախազությունը հայտնել է, որ գործողությունն իրականացվել է Halk TV-ի սեփականատեր Ջաֆեր Մահիրօղլուի նկատմամբ հարուցված քննության շրջանակում։ Նրան կասկածում …