Հանրային խորհրդում մայիսի 4-ին ՀՀ պաշտպանության նախարար Վիգեն Սարգսյանն ու խորհրդի անդամները քննարկել են Ազգ-բանակ հայեցակարգի և դրա շրջանակներում նախատեսվող «Ես եմ» և «Պատիվ ունեմ» ծրագրերի հիմնադրույթները: Ներկայացնելով ծրագրերի նպատակը՝ նախարարը նշել է, որ դրանց իրականացման անհրաժեշտությունը պայմանավորված է առկա իրողություններով: Հանրային խորհրդից  հայտնում են, որ խոսելով «Պատիվ ունեմ» ծրագրի մասին և ներկայացնելով դրա բովանդակությունն …

Այսօր առավոտյան կատարված համայցերի արդյունքներով մայիսի 3-ին «Էրեբունի» բժշկական կենտրոնում լույս աշխարհ եկած հնգյակի առողջական վիճակի մասին Առողջապահության նախարարությունը հայտնում է, որ Մոր և մանկան առողջության պահպանման գիտահետազոտական կենտրոնի, «Սուրբ Աստվածամայր» և «Էրեբունի»» բժշկական կենտրոնների նորածնային վերակենդանացման բաժանմունքներում բուժվող փոքրիկների վիճակը շարունակում է մնալ կայուն։ Նրանցից մեկը դեռ ծնվելու օրից սկսել է շնչել առանց արհեստական …

ՀՀ հատուկ քննչական ծառայությունում քրեական գործ է հարուցվել մի խումբ ոստիկանների կողմից խոշտանգում կատարելու և բռնություն գործադրելով զուգորդված պաշտոնեական լիազորություններն անցնելու դեպքերի վերաբերյալ Ալավերդի քաղաքի բնակիչ Ալբերտ Հ.-ի և ՀՀ ԱՆ «Վանաձոր» քրեակատարողական հիմնարկի կալանավոր Գագիկ Կ.-ի հաղորդումների հիման վրա: Այս մասին հայտնում են Հատուկ քննչական ծառայության լրատվական ծառայությունից։  Այսպես, Ալբերտ Հ.-ն հաղորդում է տվել …

Տավուշի մարզում մայիսի 4-ին ականի պայթյունից վիրավորված զինծառայող Շիրազ Սահակյանին այսօր տեղափոխում են Երևան:  Զինծառայողին երեկ Բերդի հոսպիտալում վիրահատվել է, ոտքն ամպուտացրել են, վիճակը կայուն է, կյանքին վտանգ չի սպառնում:  

ԵԱՀԿ  ԱՄՆ առաքելությունը ԵԱՀԿ երևանյան գրասենյակի մոտալուտ փակման կապակցությամբ  հայտարարություն է տարածել, որը ներկայացնում ենք ստորև. «Միացյալ Նահանգները ցավում է Երևանում ԵԱՀԿ գրասենյակի մոտալուտ փակման համար: Մենք ցավում ենք, որ կորցնում ենք Հարավային Կովկասում ԵԱՀԿ գործունեության համար վերջին հարթակը, քանի որ այդ գործունեությունն անգնահատելի օգնում էր հյուրընկալող երկրներին ամրապնդել հանձնառությունը ԵԱՀԿ սկզբունքներին և կառույցի նկատմամբ …

Ապօրինի ֆինանսական հոսքերի վերբերյալ Global Financial Integrity-ի` երկու տարի առաջ հրապարակած զեկույցը մեծ աղմուկ բարձրացրեց Հայաստանում: Պարզվեց` ՀՀ-ից 10 տարվա ընթացքում ապօրինի հանվել է 10 միլիարդ ԱՄՆ դոլար: Նախօրեին կազմակերպությունը հրապարակել է իր նոր զեկույցը, որի ցուցանիշները ոչ պակաս մտահոգիչ են: 2015թ.-ի դեկտեմբերին 8-ին լույս տեսավ Global Financial Integrity (GFI) կազմակերպության կողմից հրապարակվող Համաշխարհային անօրինական …

ՀՀ ՊՆ մամուլի խոսնակ Արծրուն Հովհաննիսյանը ֆեյսբուքի իր էջում գրառում է կատարել, որով ի հավելումն Արցախի ՊՆ-ի առաջնագծից տարածած հաղորդագրության, տեղեկացնում է, որ  ՀՀ սահմանին ևս  կրակոցներ են եղել: « ՀՀ սահմանին ևս եղել են կրակոցներ, սակայն զգալիորեն ավելի պակաս: Որևէ տեսակի կորուստներ չեն եղել»,- գրել է նա:

Մայիսի 4-ին և լույս 5-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից,  հրադադարի պահպանման ռեժիմը խախտել է շուրջ 45 անգամ՝ հայ դիրքապահների ուղղությամբ արձակելով ավելի քան 730 կրակոց. տեղեկացնում է ԱՀ  ՊՆ  մամուլի ծառայությունը: ՊԲ առաջապահ զորամասերը շարունակում են վստահորեն իրականացնել մարտական ծառայություն՝ անհրաժեշտության դեպքում դիմելով պատասխան գործողությունների:        

Ռուսաստանը, Թուրքիան և Իրանը «Աստանա-4» հանդիպման լիագումար նիստում հուշագիր են ստորագրել Սիրիայում ապաէսկալացման գոտիներ ստեղծելու մասին, հաղորդում է Interfax-ը՝ նշելով, որ սիրիական զինված ընդդիմության պատվիրակության երկու անդամներ ցուցադրաբար լքել են «Աստանա-4» հանդիպման լիագումար նիստը: «Մենք Իրանի՝ որպես երաշխավոր երկրի մասնակցությունը չենք ընդունում»,- բղավել է սիրիական զինված ընդդիմության պատվիրակության անդամներից մեկը:  

ՀՀ ՊՆ մամուլի խոսնակ Արծրուն Հովհաննիսյանը ֆեյսբուքի իր էջում վիրավորված զինծառայողի մասին գրառում է կատարել: «Տավուշում ականից վիրավորված զինծառայող՝ Շիրազ Կամոյի Սահակյանի վիճակը այս պահին ծանր է, նա գտնվում է Բերդի հոսպիտալում»,- գրել է նա: