«Զվարթնոց» օդանավակայանը չի աշխատում: Այն նախ շրջափակել էին ցուցարարները, ապա նրանց միացան օդանավակայանի աշխատակիցները՝ գործադուլ հայտարարելով: «Ով իրեն հարգում է էս երկրում պիտի պայքարի, մինչև էս իշխանությունները հեռանան»,- ասաց գործադուլավոր աշխատակիցներից մեկը:

Ազգային ժողովի հերթական քառօրյան, որը պետք է սկսվեր այսօր, չկայացավ քվորում չլինելու պատճառով: «Ծառուկյան» խմբակցության քարտուղար Վահե Էնֆիաջյանը հայտարարել է, որ իրենք քաղաքական բոյկոտ են հայտարարում:  Նշենք, որ պատգամավորները ճանապարհների փակ լինելու պատճառով չեն կարողացել հասնել Ազգային ժողով:  

Փակ շուկայի՝ Մաշտոցի պողոտայի «Երևան սիթի»-ի աշխատակիցները գործադուլ են հայտարարել: Նրանք կանգնել են դռան մոտ և հայտարարում են՝ «մեկ օրվա եկամուտը մեր կյանքի հետ մի փոխեք»:

Ակտիվիստները Դավիթ Սանասարյանի առաջնորդությամբ բողոքի ակցիա իրականացրին Երևանի մետրոպոլիտենի կայարաններից մեկում ու ստիպեցին աշխատակիցներին դադարեցնել մետրոպոլիտենի աշխատանքը:

Երևանի Շենգավիթ համայնքի թիվ 137 դպրոցը միացել է դասադուլին: Վաղ առավոտից դպրոցը շրջափակել են դպրոցականների ծնողները՝ թույլ չտալով աշակերտներին ու ուսուցիչները ներս մտնել: Այս մասին Factor.am-ին տեղեկացրեց ծնողներից մեկը՝ շեշտելով. «Մեր այս քայլով ստիպում ենք դպրոցին միանալ դասադուլին: Համազգային պայքարը բոլորինն է»: Քիչ առաջ տեղեկացրին նաև, որ բողոքի ակցիային միացել են նաև ուսուցիչները:

ՀՀ պաշտպանության նախարարությունը հայտարարություն է տարածել, որում մասնավորապես ասվում է Ելնելով երկրի անվտանգության ապահովման անհրաժեշտությունից ՀՀ ՊՆ-ը և ԶՈւ-երը շարունակում են 24 ժամյա ռեժիմում լիարժեք իրականացնել իրենց առջև դրված խնդիրները և ապահովել մեր հայրենիքի պաշտպանությունը: Անհրաժեշտ է ապահովել զինվորական պետհամարանիշներով մեքենաների և զինվորական շարասյունների անխափան տեղաշարժերը հանրապետության ողջ տարածքում: Այդ տեղաշարժերը պետք է լինեն առանց …

«Ժամանակ» թերթը գրում է. «Ժամանակ»-ի տեղեկություններով՝ երեկ Մոսկվա են մեկնել Հայաստանի երկրորդ և երրորդ նախագահներ Ռոբերտ Քոչարյանը և Սերժ Սարգսյանը: Նրանք Ռուսաստանի իշխանությունների հետ քննարկելու են Հայաստանում տեղի ունեցող ներքաղաքական զարգացումները և փորձելու են լուծել ապագա իշխանության հարցը»: Առավել մանրամասն՝ թերթի այսօրվա համարում: 

«Ժողովուրդ» օրաթերթը գրում է. «ՀՀԿ-ն բացահայտ մարտահրավեր է նետել հասարակությանը` ցույց տալով, որ իրենք պատրաստ են խորացնել քաղաքական ճգնաժամը, պատրաստ են գնալ ամենավերջին ստորությունների, առճակատումների` հանուն իշխանությունը եւս մեկ օր պահպանելու: Երեկ խորհրդարանում 45 կողմ, 55 դեմ ձայների հարաբերակցությամբ տապալվեց ՀՀ վարչապետի պաշտոնում ընդդիմադիր առաջնորդ Նիկոլ Փաշինյանի ընտրությունը: Օրվա սկզբում սպասվում էր՝ ՀՀԿ-ից, այնուամենայնիվ, մի …

Հանրապետության հրապարակում անցկացվող հանրահավաքի ավարտին Ամիրյան փողոցում ցուցարարներին է մոտեցել, նրանց պնդմամբ, անսթափ վիճակում գտնվող քաղաքացի և փորձել քաշքշուկ ստեղծել: Ցուցարարները նրան մոտեցրել են ոստիկանական մեքենային՝ քաղաքացու պահվածքի վրա հրավիրելով ոստիկանների ուշադրությունը, սակայն ցուցարարների պնդմամբ, ոստիկանները չեն արձագանքել: Մանրամասները` տեսանյութում: