ՀՀ քննչական կոմիտեի ԶՔԳՎ չորրորդ կայազորային քննչական բաժնի վարույթում քննվող քրեական գործով՝ 2019 թվականի հունվարի 8-ին ՀՀ ՊՆ Կոտայքի զինկոմիսարիատի Նաիրիի բաժանմունքից ՀՀ ՊՆ կենտրոնական հավաքակայան նորակոչիկներին տեղափոխող «Պազ 32053» մակնիշի ՊՆ 3299 Տ զինհամարանիշի ավտոբուսը՝ Երևան քաղաքի Շարուրի փողոցում կանգնեցնելու, մի խումբ անձանց կողմից դիտավորությամբ հասարակական կարգը կոպիտ կերպով խախտելու, հասարակության նկատմամբ բացահայտ անհարգալից …

Հանրապետությունում 2018 թվականի դեկտեմբերի 29-ից մինչև 2019 թվականի հունվարի 8-ը «սննդային թունավորում» նախնական ախտորոշմամբ 3 դեպք է գրանցվել, հոսպիտալացվել է 5 մարդ(1-ը՝ բոտուլիզմ, 1-ը՝սնկից թունավորում և 3-ը`սննդային թունավորում): Նույն ժամանակահատվածում արձանագրվել է ալկոհոլային թունավորման 16 դեպք` 16 տուժածով: Այս մասին տեղեկացրին ՀՀ առողջապահության նախարարությունից: Թունավորումներից խուսափելու նպատակով առողջապահության նախարարությունը հորդորում է զերծ մնալ ալկոհոլի չարաշահումից …

ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան իր էջում լուսանկար է հրապարակել՝ նշելով․ «Շատ սիրուն նկար է՝ շատ հուզիչ պատմությամբ։ Քանի որ գրեթե դեմքը չի երևում ով է, ապա պատմեմ: Զինվորը կամավոր խնդրում էր առաջնագիծ գնալու համար: Ծնողը նախարարին խնդրում էր, թե բա երեխան խնդիրներ ունի, գոնե լրացուցիչ զննություն արեք: Նախարարը հանձնարարեց, որ լրացուցիչ ստուգեն, …

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, հունվարի 9-ին՝ ժամը 17:00-ի դրությամբ, Տաշիրի, Մեղրիի, Գորիսի, Սիսիանի, Սևանի, Ախուրյանի, Ջերմուկի, Թումանյանի, Նոյեմբերյանի տարածաշրջանների ավտոճանապարհներին, Դիլիջանի ոլորաններում և Սարավանի լեռնանցքում ձյուն է տեղում: Արագածի և Արթիկի ավտոճանապարհներին գետնաբուք է: Ապարանի տարածաշրջանի Տառերի պուրակից դեպի Միրաք տանող ճանապարհահատվածը բքի և ցածր տեսանելիության պատճառով դժվարանցանելի է: Թալին-Մաստարա-Ախուրյան, …

ՀՀ վարչապետի պաշտոնակատար Նիկոլ Փաշինյանի որոշմամբ Արամայիս Գրիգորյանն ազատվել է սփյուռքի նախարարի տեղակալի պաշտոնից: «Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արամայիս Գրիգորյանին ազատել սփյուռքի նախարարի տեղակալի պաշտոնից»,-ասված է որոշման մեջ:

Ճանապարհային ոստիկանությունը հաղորդագրություն է տարածել 2019 թվականի հունվարի 9-ից ՃՈ տարածքային հաշվառման-քննական ստորաբաժանումների համար աշխատանքային ռեժիմի վերաբերյալ: «Հարգելի՛ քաղաքացիներ Տրանսպորտային միջոցների նկատմամբ սեփականության իրավունքի պետական գրանցման, հաշվառման, գրավի ու լիզինգի պայմանագրով վարձակալության իրավունքների գրանցման, վարորդական վկայականների հատկացման հետ կապված քաղաքացիներին մատուցվող ծառայությունները պատշաճ կազմակերպելու նպատակով 2019 թվականի հունվարի 9-ից ՀՀ ոստիկանության պետի հրամանով Ճանապարհային ոստիկանության տարածքային …

Ղազախստանի Հանրապետության Ներքին գործերի նախարարության ներքին և արտաքին դեպարտամենտի տնօրեն Ալմաս Սադուբաևը հայտնում է, որ Կարագանդայում  սպանության մեջ մեղադրվող ՀՀ քաղաքացի Նարեկ Գուրուրյանը ձերբակալվել է Ռուսաստանի Դաշնությունում:  Ալմաս Սադուբաևի խոսքերը մեջբերել է  nur.kz  կայքը։ Այս պահին քննարկվում է  Գուրուրյանին Ղազախստան արտահանձնելու հարցը: Հիշեցնենք, որ Ամանորի գիշերը Կարագանդայում կատարված սպանության գործով միջազգային հետախուզման մեջ գտնվող կասկածյալ Նարեկ Գուրուրյանը կոնֆլիկտից հետո փախել էր …

Ղազախստանի ՆԳ նախարար Կալմուհանբետ Քասիմովը հանդիպել է այդ երկրում ՀՀ դեսպան Գագիկ Ղալաչյանի հետ: Tengrinews.kz-ն, վկայակոչելով ՆԳՆ մամուլի ծառայությունը, գրում է, որ նախարարն ու դեսպանը կարծիքներ են փոխանակել հանցավորության դեմ պայքարի, հասարակական կարգի պահպանության և հանրային անվտանգության ոլորտում հայ-ղազախական համագործակցության վիճակի և հեռանկարների մասին: Աղբյուրի փոխանցմամբ՝ կողմերը պատրաստակամություն են հայտնել շարունակել ամրապնդել այս ուղղություններով երկկողմ …

Հունվարի 8-ին ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանն ընդունել է տարբեր բնույթի հարցերով դիմած քաղաքացիներին։ Ծանոթանալով ներկայացված խնդիրներին՝ գեներալ-լեյտենանտ Արտակ Դավթյանը համապատասխան հանձնարարականներ է տվել պատասխանատու ստորաբաժանումների և ծառայությունների ղեկավարներին՝ դիմումատուներին աջակցելու հնարավոր տարբերակները քննարկելու և անհրաժեշտ քայլեր ձեռնարկելու վերաբերյալ։

Երեկ վաղ առավոտից Տավուշի մարզի Այրում խոշորացված համայնքի Բագրատաշեն համայնքում տասնյակ երիտասարդներ բողոքի ակցիա էին կազմակերպել՝ պահանջելով համայնքի ղեկավար Արկադի Մակյանի հրաժարականը։ Բագրատաշենը, որը խոշորացված համայնք է և մտնում է Այրում համայքնի կազմի մեջ, ունի ավելի քան 3000 բնակիչ, որոնց զգալի մասը չի ընդունում Հանրապետական Մակյանին։ Այրում համայնքի ղեկավար Արայիկ Պարանյանը երեկ հանդիպել էր ցուցարարների …