Կառավարության մարտի 25-ի նիստի չզեկուցվող հարցերից մեկը վերաբերում է «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» Հայաստանի Հանրապետության օրենքում փոփոխություն կատարելու մասին»  ՀՀ օրենքի նախագծին։Նիստի օրակարգային չզեկուցվող հարցերի փաթեթն ընդունելուց առաջ վարչապետ Փաշինյանը հարցրեց․ «Այս փաթեթի մեջ է մտնում նաև այն հարցը, որը նախորդ նիտում քննարկեցինք՝ աջ ղեկով մեքենաները, մանրամասն քննարկվել է, էդ թեման …

Արցախի Հանրապետության նախագահ Բակո Սահակյանը մարտի 25-ին աշխատանքային խորհրդակցություն է հրավիրել հանրապետության շրջվարչակազմերի ղեկավարների մասնակցությամբ. այս մասին հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից: «Նրանց հետ քննարկել մի շարք սոցիալ-տնտեսական ծրագրերի իրականացմանն առնչվող հարցեր: Խորհրդակցությանը ներկա էին պետնախարար Գրիգորի Մարտիրոսյանը, պաշտոնատար այլ անձինք»,- ասված է հաղորդագրությունում:

ՀՀ Կառավարությունն այսօր՝ մարտի 25-ին արտահերթ նիստ է հրավիրել: Այս մասին տեղեկացնում են վարչապետի աշխատակազմի մամուլի ծառայությունից: Արտահերթ նիստի օրակարգում ներառված է 7 հարց, որից 2-ը՝ չզեկուցվող:

ՀՀ պաշտպանության նախարար Դավիթ Տոնոյանը վաղը՝ մարտի 26-ին, մեկնելու է ԱՄՆ: Այս մասին Factor.am-ը տեղեկացավ ՊՆ խոսնակ Արծրուն Հովհաննիսյանից: Նրա փոխանցմամբ՝ Դավիթ Տոնոյանը Նյու Յորքում կմասնակցի ՄԱԿ-ի հովանու ներքո խաղաղապահ գործողություններ իրականացնող երկրների պաշտպանության նախարարների հանդիպմանը: Նախարարի այցի օրակարգից այլ մանրամասներ, ըստ Արծրուն Հովհաննիսյանի, ՊՆ-ն կներկայացնի ավելի ուշ:

Մեծի Տանն Կիլիկիո Արամ Ա կաթողիկոսն առաջիկայում Սիրիա կմեկնի: Այս մասին Արամ Ա-ն հայտնել է Բեյրութի Անթիլիասի մայր տաճարում ունեցած ելույթում: Այս մասին տեղեկանում ենք Մեծի Տանն Կիլիկիո կաթողիկոսության ֆեյսբուքյան էջից: Արամ Վեհափառը շաբաթ օրը Հալեպում կկատարի Սրբոց Քառասնից Մանկանց մայր եկեղեցու վերաօծումը: Անթիլիասում ունեցած ելույթում Արամ Ա-ն նշել է, որ վերջին 7 տարիներին Սիրիան …

«Քլիներս» ՍՊԸ հայտարարություն է տարածել ՀՀ Ազգային Ժողովի սանմաքրման աշխատանքների վերաբերյալ: Հայտարարությունում մասնավորապես ասվում է.   «Հաշվի առնելով վերջին օրերին Ազգային Ժողովի աշխատակազմի մաքրուհիների բողոքները և դրանց շուրջ ձևավորված հանրային հնչեղությունը՝ անհրաժեշտ ենք համարում հանդես գալ պարզաբանումներով.   «Քլիներս» ՍՊ ընկերությունը 2018 թվականի սեպտեմբերին մասնակցել և հաղթող է ճանաչվել ՀՀ ԱԺ աշխատակազմի կողմից հայտարարած ԱԺ …

Ազգային ժողովի տնտեսական հարցերի մշտական հանձնաժողովի այսօրվա նիստում ԱԺ ԲՀԿ-ական պատգամավոր Արթուր Դալլաքյանը տրանսպորտի, կապի և տեղեկատվական տեխնոլոգիաների նախարար Հակոբ Արշակյանից հետաքրքրվեց՝ նախարարությունն ի՞նչ վերահսկողական գործառույթներ է իրականացրել Դիլիջանն Իջևանին կապող  ճանապարհի Ոսկեպարհի հատվածի կառուցման աշխատանքների նկատմամբ, քանի որ նոր կառուցված այդ ճանապարհահատվածում չկան ո՛չ գծանշումներ, ո՛չ ճանապարհային նշաններ, ավելին՝ ճանապարհն արդեն քանդվում է։ Ի …

ՀՀ վարչապետի աշխատակազմից տեղեկացնում են, որ վարչապետ Նիկոլ Փաշինյանի որոշմամբ Հայաստանի Հանրապետության ֆինանսների նախարարի տեղակալ Արման Պողոսյանը նշանակվել է Ազգային ժողովում «Հայաստանի Հանրապետության հարկային օրենսգրքում լրացում կատարելու մասին» Հայաստանի Հանրապետության օրենքի նախագիծը (Խ-021-25.02.2019-ՏՀ-011/0) քննարկելիս Հայաստանի Հանրապետության կառավարության ներկայացուցիչ (հարակից զեկուցող):

Ռումինիայի վարչապետ Վիորիկա Դենչիլեն հայտնել է, որ Իսրայելում երկրի դեսպանատունը Թել Ավիվից Երուսաղեմ է տեղափոխվելու: Այս մասին գրում է ՏԱՍՍ-ը՝ վկայակոչելով «Ռումինիայի ռադիոն»: Նշենք, որ այս հարցն անցյալ տարի Ռումինիայում վիճաբանությունների տեղիք էր տվել: Ապրիլին կառավարությունը դեսպանատունը տեղափոխելու որոշում էր կայացրել, ինչին երկրի նախագահը կտրուկ էր արձագանքել՝ հայտարարելով, որ դա միջազգային իրավունքի, ինչպես նաև ՄԱԿ-ի …

Ազգային ժողովի առողջապահության և սոցիալական հարցերի հանձնաժողովը քննարկում է նվազագույն կենսաթոշակի բարձրացման հարցը։ Հիշեցնենք, որ նոր իշխանությունները հայտարարել էին, որ նվազագույն կենսաթոշակը պետք է լինի 25 հազար 500 դրամ: Հայաստանում շուրջ կես միլիոն կենսաթոշակառու կա, ավելի քան 17 հազար թոշակառուների ստացած գումարը ցածր է ծայրահեղ աղքատության շեմից։ «Օրենքի նախագծի ընդունումից հետո դրան կտրվի հետադարձ ուժ: …