Կենտրոնական ընտրական հանձնաժողովի նախագահ Արմեն Սմբատյանն ամփոփեց 185 ընտրատեղամասի տվյալները։ Հայաստանի Հանրապետական կուսակցությունը ստացել է 4,08 % կամ 1486 ձայն «Քաղաքացու որոշում» սոցիալ դեմոկրատական կուսակցությունը` 0,51 % կամ 185 ձայն Հայ հեղափոխական դաշնակցությունը` 6,31 % կամ 2295 ձայն «Իմ քայլը» դաշինքը` 67,24 % կամ 24466 ձայն «Լուսավոր Հայաստան» կուսակցությունը` 6,35 % կամ 2311 ձայն «Քրիստոնեաժողովրդական վերածնունդ» կուսակցությունը` 0,43 % կամ 156 ձայն «Ազգային առաջընթաց» կուսակցությունը` 0,35 % կամ 128 ձայն «Մենք» դաշինքը` …

10/50 ընտրատեղամասում քվեատուփը քվեաթերթիկներով շուռ են տվել սեղանին և աջ ու ձախ բացում են քվեաթերթիկները։ Այս ընտրատեղամասը գտնվում է Էրեբունի վարչական շրջանում և տեղակայված է թիվ 138 դպրոցի շենքում։ Այստեղ հայտարարում են, որ Կենտրոնական ընտրական հանձնաժողովից համապատասխան թույլտվություն ունեն, որ հանձնաժողովի անդամները կարողանան հանձնաժողովի նախագահին օգնել, որ պեսզի գործը շուտ վերջացնեն։

ՀՀ գլխավոր դատախազության աշխատանքային խումբը ուսումնասիրել և ամփոփել է դեկտեմբերի 9-ին ժամը 08.00-ից մինչև 20.00-ն ընկած ժամանակահատվածում ՀՀ Ազգային Ժողովի արտահերթ ընտրություններին առնչվող առերևույթ ընտրական հանցագործությունների մասին iրավապահ մարմինների ստացած 252 դեպքի մասին ահազանգ: Դեպքերից 97-ի մասին տվյալներն ստացվել են զանգվածային լրատվամիջոցների հրապարակումների, սոցիալական ցանցերում քաղաքացիների կողմից կատարված գրառումների հիման վրա, որոնք հասանելի են դարձել …

ԿԸՀ-ն ներկայացրել է ԱԺ ընտրությունների նախնական արդյունքները: Մշակված ընտրատեղամասերի արդյունքներն այս պահին՝ 39: Թարմացվող տվյալներն՝ այստեղ: Քվեարկության մասնակիցների թիվը՝ այստեղ:  

10/49 ընտրատեղամասում քվեաթերթիկների հաշվարկը կատարվում է օրենքի կոպտագույն խախտմամբ։ Քվեաթերթիկները քվեատուփից հանձնաժողովի նախագահից զատ հանում է նաև մեկ այլ անձ։ Ուշագրավն այն է, որ հանձնաժողովի նախագահն այդ խախտման վրա աչք էր փակում, իսկ հանձնաժողովի մյուս անդամները խրախուսում էին այդ խախտումը: Մեր արձագանքից հետո էլ շարունակում էին պնդել, որ այդպես ավելի արագ է գործն առաջ գնում։ …

ՀՀ Քննչական կոմիտեի տարածքային ստորաբաժանումներում՝ ժամը 22:30-ի դրությամբ, ստացվել է 49 հաղորդում՝ Ազգային ժողովի արտահերթ ընտրությունների ընթացքում արձանագրված ընտրախախտումների վերաբերյալ, որոնք առերևույթ պարունակում են քրեական օրենսգրքով նախատեսված հանցագործության հատկանիշներ։ Ստացված հաղորդումներից 9-ը Երևանում է, 5-ը՝ Սյունիքի, 9-ը՝ Շիրակի, 4-ը՝ Արագածոտնի, 7-ը՝ Արարատի, 8-ը՝ Գեղարքունիքի, 2-ը՝ Արմավիրի, 1-ական՝ Վայոց Ձորի, Տավուշի և Լոռու մարզերում: Եվս 2 …

ՀՀ Ազգային Ժողովի 2018թ. արտահերթ ընտրությունների քվեարկության օրը` 09.12.2018թ. ժամը 08:00-ից մինչև 20:00-ն ընկած ժամանակահատվածում ՀՀ ոստիկանության ստորաբաժանումներում գրանցվել է ընդհանուր 144 հաղորդում (Երևանում՝ 36, մարզերում՝ 108), որից 58-ը` հանցագործությունների մասին, իսկ 86-ը` հանցագործության հատկանիշներ առերևույթ չպարունակող, սակայն ստուգման ենթակա այլ տեղեկություններ: Այդ թվում՝ սարքը մատնադրոշմը չընդունելու կամ կրկնակի ընդունելու պատճառով կրկնաքվեարկության, ընտրատեղամասի մոտ կայանված …

Factor.am-ի հարցազրույցը Խոսքի ազատության պաշտպանության կոմիտեի նախագահ Աշոտ Մելիքյանի հետ: – Պարոն Մելիքյան, նախորդ ընտրությունների համեմատ՝ այս ընտրություններին ընտրախախտումների ի՞նչ պատկեր եք արձանագրել: – Հնարավոր չէ, որ առհասարակ որևէ խախտում չլինի, բայց կարևորն այն է, որ ինչին մենք ականատես ենք եղել տասնամյակներ շարունակ՝ զանգվածային ընտրակաշառքի բաժանում, լցոնումներ, ընտրատեղամասերում կուտակումներ, չկային: Նախկին իշխանության գաղափարախոսներն ասում էին, …

«Երևան-Կենտրոն» քրեակատարողական հիմնարկում գտնվող ՀՀ երկրորդ նախագահ Ռոբերտ Քոչարյանը չի մասնակցել Հայաստանում դեկտեմբերի 9-ին տեղի ունեցած Ազգային Ժողովի արտահերթ ընտրությունների քվեարկությանը: Այս մասին հայտնեց ՀՀ արդարադատության նախարարության քրեակատարողական վարչության հանրային կապերի բաժնի պետ Նոնա Նավիկյանը։   «Ռոբերտ Քոչարյանը ընտրությունների քվեարկությանը չի մասնակցել»,- ասաց Նավիկյանը։

Factor.am-ի հարցազրույցը «Քաղաքացիական պայմանագիր» կուսակցության մամուլի խոսնակ Վահան Կոստանյանի հետ: – Նախ՝ ուզում եմ իմանալ, թե քվեարկության ժամանակ ի՞նչ խախտումներ է արձանագրել «Իմ քայլը»: – Այդ խախտումների մասին ինֆորմացիան փոխանցել ենք իրավապահ մարմիններին: Դրանք մեծապես կապված էին կուտակումների հետ ընտրատեղամասերի մոտ, եղել են դեպքեր, երբ նախատեսվածից ավելի մեծ թվով անձինք են եղել ընտրատեղամասի ներսում, այս …