ՀՀ ԱԳՆ-ն հաղորդագրություն է տարածել, որում ասվում է. «Հաշվի առնելով նոր տիպի կորոնավիրուսով պայմանավորված համաճարակային իրավիճակը՝ ՀՀ կառավարությունը, Վրաստանի կառավարության հետ երկկողմ խորհրդակցությունների և պայմանավորվածությունների արդյունքում, որոշում է կայացրել մինչև 2020 թվականի մարտի 24-ը ներառյալ սահմանափակել Վրաստանի հետ ցամաքային և օդային հաղորդակցությունը: Սահմանափակումը չի վերաբերում իրենց երկրներ վերադարձող Վրաստանի և Հայաստանի քաղաքացիներին և նրանց ընտանիքի …

Հանրապետության նախագահ Արմեն Սարգսյանը մարտի 13-ի ուշ երեկոյան հեռախոսազրույց է ունեցել Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսի հետ: Հանրապետության նախագահը և ԱՀԿ գլխավոր տնօրենն այս տարվա փետրվարին Մյունխենում տեղի ունեցած իրենց հանդիպումից հետո կրկին անդրադարձել են աշխարհում, այդ թվում՝ Հայաստանում նոր կորոնավիրուսի տարածման առկա վիճակին և միտումներին, դրա հնարավոր հետևանքներին, ինչպես նաև՝ վարակի …

«Վարչապետն ու ես այսօր առավոտյան կորոնավիրուսի թեստ ենք հանձնել: Թեստի պատասխանները պարզ կլինեն երեկոյան: Մեր ինքնազգացողությունը լավ է, ջերմություն չունենք։ Առողջություն բոլորին»,- ֆեյսբուքի իր էջում գրել է ՀՀ վարչապետի տիկին Աննա Հակոբյանը:  

«Հարավկովկասյան երկաթուղի» ՓԲԸ-ն տեղեկացնում է, որ հաշվի առնելով կորոնավիրուսի տարածմանն ուղղված կանխարգելիչ միջոցառումները, մարտի 14-ից 24-ը կասեցվում է Երևան-Թբիլիսի-Երևան միջազգային գնացքների երթևեկությունը։ ««Հարավկովկասյան երկաթուղի» ՓԲԸ-ն հայցում է ուղևորների ներողամտությունը պատճառված անհանգստության և կանխավ շնորհակալություն հայտնում ըմբռնման համար»,- ասված է հաղորդագրությունում:    

«Մեդիալաբը» անդրադառնալով կորոնավիրուսի տարածման և սահմանադրական հանրաքվեի թեմային՝ հանդես է եկել նոր ծաղրանկարով:

  ՀՀ ԿԳՄՍ նախարար Արայիկ Հարությունյանը հայտնում է, որ դադարեցվում է մշակութային հաստատությունների աշխատանքը։ Նախարարի գրառումը ստորև. «Հաշվի առնելով կորոնավիրուսի տարածման կանխարգելման միջոցառումների անհրաժեշտությունը՝ առնվազն մինչև մարտի 23-ը փակ կլինեն նաև ՀՀ ԿԳՄՍ ենթակայությամբ գործող թատերական և համերգային կազմակերպությունները՝ թատրոնները, համերգասրահները, ինչպես նաև թանգարանները և գրադարանները։ Հետագա կանխարգելիչ միջոցառումների և կազմակերպությունների գործունեության վերաբերյալ կտեղեկացնենք լրացուցիչ»։

Տոկիոյի ամառային 32-րդ Օլիմպիական խաղերի ջահի հունական հատվածի փոխանցումավազքը չեղարկվել է.  այս մասին հայտնում է խաղերի կազմկոմիտեն: Հունաստանի ազգային օլիմպիական կոմիտեն որոշումն ընդունել է՝ հաշվի առնելով կորոնավիրուսի  տարածումը: Փոխանցումավազքի չի լինի, սակայն մարտի 19-ին կկայանա կրակի պաշտոնական փոխանցումը ճապոնական կողմին:

  Էջմիածնի քաղաքապետ Դիանա Գասպարյանը ֆեյսբուքյան իր էջում գրում է. «Սիրելի՛ համաքաղաքացիներ, հաշվի առնելով նոր կորոնավիրուսի հաստատված դեպքերի աճը և դրանց համաճարակաբանական կապն Էջմիածնի հետ՝ հորդորում եմ զերծ մնալ Էջմիածին-Երևան (և հակառակը) անկանոն ուղևորափոխադրումներ իրականացվող մասնավոր տաքսի մեքենաների ծառայություններից օգտվելուց: Առհասարակ, խնդրում եմ մնալ տանը, քաղաքից դուրս գալ ծայրահեղ անհրաժեշտության դեպքում և սեփական մեքենաներով. եթե …

Միացյալ Նահանգներում աճում է անհանգստությունը կորոնավիրուսով պայմանավորված տնտեսական խափանումների շուրջ. գրում է VOA-ն: «Մենք չենք տեսնի այն աճը, որը կանխատեսել էինք»,- ասում է տնտեսագետ, վերլուծաբան Ուիլյան Հոգլանդը: Զբոսաշրջային արդյունաբերությունն արդեն մեծ վնասներ է կրել կորոնավիրուսի պատճառով՝ ծովային և օդային ճամփորդությունների չեղարկումից հետո: Մանրամասները՝ տեսանյութում:

Աշխարհի խոշորագույն հումքային բորսաների մարտի 13-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 5.34%-ով և կազմել 32.93 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 2.83%-ով և կազմել 33.85 դոլար: