15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Հայտնի են այն մեկական առարկաները, որոնք դիմորդները հանձնելու են բուհ ընդունվելու համար. ՏԵՍԱՆՅՈՒԹ
Հասարակություն
30.04.2020 | 17:57
Առարկաներն ընտրելիս առաջնորդվել ենք դիմորդների շահերով։ Ընտրել ենք այնպիսի առարկաներ, որոնք թույլ կտան մասնակցել մեկից ավելի մասնագիտությունների համար մրցույթի, որովհետև մեկ առարկա հանձնելով՝ պետք է հնարավորություն ստեղծվի տարբեր մասնագիտությունների դիմելու, թեպետ առաջնահերթությունը տրվելու է առաջին մասնագիտությանը։ Այս մասին այսօր բուհերի ընդունելության կարգի ու քննությունների մասին ուղիղ եթերի ընթացքում նշեց ԿԳՄՍ նախարար Արայիկ Հարությունյանը։
«Լեզվաբանական համալսարաններում կամ ֆակուլտետներում լեզուներն են, մի շարք այլ բուհերում, օրինակ՝ Տնտեսագիտական համալսարանում, մաթեմատիկան։ ԵՊՀ-ում արվեստի տեսություն և պատմության, կրոնագիտության, ինչպես նաև աստվածաբանության ֆակուլտետներում ընդունելության մրցութային քննությունը հայոց լեզու և գրականությունն է։ Պատմության, ինչպես նաև հնագիտության և ազգագրության ֆակուլտետում՝ պատմությունը, փիլիսոփայության ֆակուլտետում՝ հայոց լեզու և գրականությունը, արևելագիտության ֆակուլտետում՝ արաբագիտություն, թուրքագիտություն և իրանագիտություն մասնագիտությունների համար ընդունելության մրցութային քննությունը հայոց պատմությունն է, կովկասագիտության դեպքում՝ նույնպես»,- մանրամասնեց ԿԳՄՍ նախարարը։
Մանրամասները՝ տեսանյութում։
