2020 թ. նոյեմբերի 6-ին Ֆրանսիայի Հանրապետության Կորսիկա շրջանի օրենսդիր մարմինն ընդունել է բանաձև՝ ի աջակցություն Արցախի ժողովրդի և Արցախի Հանրապետության ճանաչման: Բանաձևում մասնավորապես նշված է, որ Կորսիկայի Խորհրդարանը. Դատապարտում է Լեռնային Ղարաբաղի բնակչության դեմ Թուրքիայի աջակցությամբ ադրբեջանական ագրեսիան և անընդունելի է համարում ուժի այդ կիրառումը: Իր անսասան աջակցությունն է հայտնում խաղաղության և ազատության ձգտող հայ …

Արցախից ժամանակավորապես ՀՀ տեղափոխված դպրոցահասակ երեխաների և ուսանողների կրթական իրավունքն իրացնելու շուրջ ընթանում են ակտիվ աշխատանքներ։ Այս մասին հայտնում են ՀՀ-ում Արցախի կառավարության օպերատիվ շտաբից։ «ԱՀ կրթության, գիտության և մշակույթի նախարար Լուսինե Ղարախանյանը հանդիպել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանի հետ։ Հանդիպման ընթացքում քննարկվել են Արցախի դպրոցականների, քոլեջի և ուսումնարանների …

«Ստեփանակերտը թշնամու թիրախում։ Քաղաքը հրթիռակոծվում է գրադի և սմերչի կայանքներից »,- տեղեկացնում է Արցախի ԱԻՊԾ-ն: Տուժածների մասին տվյալներ առայժմ չկան։

Արցախի մայրաքաղաք Ստեփանակերտում անվտանգային միջոցառումներ են իրականացվում, որոնք կապված են Ադրբեջանի զինուժի հարվածների հետևանքով խիստ վթարային դարձած մի քանի բնակելի շենքերի հետ: Ստեփանակերտի քաղաքապետարանն իր քաղաքացիներին կոչ է արել լինել զգոն և ուշադիր, սակայն պահպանել հանգստություն: «Սիրելի Ստեփանակերտցիներ, քաղաքային իշխանությունների կողմից ամեն ինչ վերահսկվում է: Խուճապի մի մատնվեք: Ամեն ինչ արվում է՝ անվտանգության նկատառումներից ելնելով: …

Միացյալ Նահանգներում կայացած Սենատի ընտրություններում Կալիֆոռնիայում հաղթել է Ադամ Շիֆը: Նա վերընտրվել է որպես ԱՄՆ Կոնգրեսի անդամ։ Ադամ Շիֆը՝ ստանալով ձայների 74 տոկոսը, հանրապետական իր մրցակցի նկատմամբ ջախջախիչ հաղթանակ է տարել: Հիշեցնենք,  որ Ադամ Շիֆը հայկական լոբբինգով զբաղվող կոնգրեսականներից մեկն է։

Առողջապահության նախարար Արսեն Թորոսյանը նոյեմբերի 6-ին հրաման է ստորագրել Հայաստանի Հանրապետությունում ռազմական դրությամբ պայմանավորված բժշկական կազմակերպություններում բժշկական օգնությունն ու սպասարկումը կազմակերպելու վերաբերյալ։ Հրամանում ասվում է․ «1. Լիցենզավորված բժշկական օգնություն և սպասարկում իրականացնող կազմակերպություններում (անկախ սեփականության ձևից), բացառությամբ Հայաստանի Հանրապետության պաշտպանության նախարարության զինվորական հոսպիտալների (այսուհետ` բժշկական կազմակերպություն) տնօրեններին՝ 1) Հայաստանի Հանրապետությունում հայտարարված ռազմական դրությամբ պայմանավորված՝ բժշկական կազմակերպությունում առաջնահերթություն …

Զանգվածային լրատվամիջացների ներկայացուցիչներն ու լրագրողները ռազմական գործողությունների վայրեր և Արցախ կարող են մեկնել միայն ՀՀ Կառավարության կողմից տրամադրված հատուկ անցաթղթի առկայության դեպքում, իսկ միջազգային ԶԼՄ ներկայացուցիչները բացառապես ՀՀ արտաքին գործերի նախարարության միջոցով։ Այս մասին հայտնում են ՀՀ Ոստիկանությունից։ «Անցաթղթի բացակայության դեպքում ռազմական գործողությունների վայրեր և Արցախ մուտքն արգելվում է։ Կոչ ենք անում բոլորին պահպանել ռազմական …

«Ապատեղեկատվություն ու սուտ է այն լուրը, որ իբր ես գնալու եմ ԱՄՆ մասնակցելու Համահայկական Հիմնադրամի հեռուստամարաթոնին»,- գրել է ՀՀ ՊՆ ներկայացուցիչ Արծրուն Հովհաննիսյանը:  

«Հավերժ փա՛ռք քեզ, հայոց հնամենի բերդաքաղաք Շուշիի համար կյանքդ զոհած իմ Եղբա՛յր։ Խոնարհվում եմ Արցախյան հերոսամարտում իրենց կյանքը Հայրենիքին նվիրաբերած հայորդիների շիրիմների առաջ։ Գրկում ու համբուրում եմ հերոսներ ծնած մեր Մայրերին և Քույրերին»,- ֆեյսբուքի իր էջում գրել է ՀՀ պաշտպանության նախկին նախարար Սեյրան Օհանյանը ու լուսանկար հրապարակել: