18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Այվազյանը՝ իր հրաժարականի պատճառի մասին․ անհետ կորածների հարազատները փողոց են փակել․ Լուրեր
Քաղաքականություն
31.05.2021 | 15:01
ԱԳ նախարարի պաշտոնից հրաժարական տված Արա Այվազյանը հանդիպում է ունեցել նախարարության անձնակազմի հետ և ասել է, որ պաշտոնից հրաժարվել է, որպեսզի երբևիցե որևէ կասկած չլինի, որ նախարարությունը կարող է ինչ-որ քայլ անել կամ համաձայնություն տալ ինչ-որ գաղափարների, նախաձեռնությունների, որոնք Հայաստանի պետականության, ազգային և պետական շահի դեմ են եղել։
—
Այվազյանի հրաժարականի մասին հայտնի դարձավ ԱԽ նիստից հետո, երբ Նիկոլ Փաշինյանն ասաց, որ առաջարկել են գաղափար, որ Հայաստանի և Ադրբեջանի զինված ուժերը հայելային հետ քաշվեն սահմանի երկու կողմերից, սահմանին տեղակայվեն միջազգային դիտորդներ։ Այսօրվա ճեպազրույցների ընթացքում ԻՔ խմբակցության ղեկավար Լիլիթ Մակունցն ասել է, որ Այվազյանը դիտորդների տեղակայման հետ կապված որևէ առարկություն չի ունեցել։
ԼՀԿ խմբակցության ղեկավար Էդմոն Մարուքյանն էլ ասել է, որ Փաշինյանը և Այվազյանն ԱԽ նիստին անհամաձայնություն չեն ունեցել
—
Անհետ կորած զինծառայողների հարազատները այսօր առավոտյան փակել են Երևանի Հերացի փողոցը։ Զինծառայողներից մեկի հարազատը ասել է, որ իրենց հայտնի է դարձել, որ մահացած զինծառայողների հարյուրավոր մարմիններ պահվել են սառնարաններում, մինչ իրենց փնտրելիս են եղել իրենց զինծառայողներին։
—
