15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Փաշինյանը և Արա Այվազյանն ԱԽ նիստին անհամաձայնություն չեն ունեցել. Մարուքյան. ՏԵՍԱՆՅՈՒԹ
Քաղաքականություն
31.05.2021 | 11:27
«Ես զարմացած էի, երբ իմացա, որ արտգործնախարարը հրաժարական է տվել: Այս մասին ԱԺ ճեպազրույցների ժամին նշեց «Լուսավոր Հայաստան» խմբակցության ղեկավար Էդմոն Մարուքյանը:
Անդրադառնալով հարցին, թե արդյոք նախորդ շաբաթվա Անվտանգության խորհրդի նիստում որևէ անհամաձայնությո՞ւն է եղել, որից հետո ԱԳ նախարարը հրաժարականի դիմում է ներկայացրել, Մարուքյանը նշեց, որ ընդհանրապես խոսակցություն չի եղել. «ԱԳ նախարարի հետ կապված այն հատվածները, երբ վարչապետի պաշտոնակատարն ասում է, որ հանձնարարել է նրան, և վերջինս էլ գլխով համաձայնում է, ուղիղ եթերում տեսագրվել է, որևէ այլ բան չի եղել»:
«Իմ կոչ-ուղերձն է պաշտոնատար անձանց, որ պետք է գիտակցել, որ Հայաստանը գտնվում է ծայրահեղ ծանր վիճակում, պաշտոնակատարների կառավարություն է, և սահմանադրաիրավական կարգավորումները թույլ չեն տալիս որևէ հրաժարական տված նախարարի փոխարեն նշանակել նոր նախարար: ԱԳ նախարարի և ցանկացած այլ նախարարի հրաժարականը այս իրավիճակում մեր երկիրը կարող է դնել շատ բարդ վիճակում: Դժվար չէ, կարծում եմ, մեր պետական շահերը ներկայացնել ևս երեք շաբաթ, և ընտրություններից հետո, բնականաբար, փոփոխությունները տեղի կունենան»,- նշեց Մարուքյանը՝ նաև ընդգծելով, որ այսօր Հայաստանը ՊՆ-ից ավելի շատ կարիք ունի ԱԳՆ դիվանագիտական հզոր ճակատի:
Մանրամասները՝ տեսանյութում:
