24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Կա՛մ պետք է Փաշինյան ընտրեք, կա՛մ՝ Քոչարյան. ամո՛թ է այդ երկընտրանքը. Նորիկյան. ՏԵՍԱՆՅՈՒԹ
Քաղաքականություն
31.05.2021 | 15:12
Տարիներ շարունակ Հայաստանի Հանրապետությունում եղել է կեղծ ընդդիմություն: Այս մասին այսօր հրավիրված ասուլիսում հայտարարեց «Արդար Հայաստան» կուսակցության նախագահ Նորայր Նորիկյանը:
Նրա դիտարկմամբ՝ գործող իշխանությունը և հարթակում «ազդեցություն» ձեռք բերած ընդդիմությունը միմյանց պրոյեկտներ են: «Քաղաքական դիակներին քաղաքական գործոն դարձնելը, կենսունակ դարձնելը և քաղաքական մրցապայքարի վերադարձնելը տիպիկ պրոյեկտ է, որն իրականացվել է գործող իշխանության կողմից…
2018թ. հետո խոսում են գործող իշխանության՝ նախկին իշխանության պրոյեկտը լինելու հանգամանքի մասին, ես ամենայն պատասխանատվությամբ և ազնվությամբ հայտարարում եմ, որ Նիկոլ Փաշինյանին վերջին անգամ տեսել եմ 2008-ի մարտին, նրա հետ որևէ առնչություն չեմ ունեցել և չունեմ… Մենք մեր քաղաքական վարքագծով կապացուցենք, որ օրգանապես որևէ կապ չունենք գործող իշխանության հետ:
Բայց պետք է ընդունենք, որ գործող իշխանությանը և նախորդներին հաջողվել է ստեղծել քաղաքական այնպիսի մթնոլորտ, որ պետք է ընտրես Ռոբերտ Քոչարյանին կամ Նիկոլ Փաշինյանին, կամ պետք է ընտրես Սերժ Սարգսյանին կամ Նիկոլ Փաշինյանին: Ամոթ է, որ այդպիսի մրցակցություն են ձևավորել և մեր ժողովրդին էլ դրել են այդպիսի սահմանափակ երկընտրանքի առջև»,- նշեց Նորիկյանը:
Մանրամասները՝ տեսանյութում:
