Տաջիկստանում  ռուսական ռազմակայանի լեռնային զորավարժարանում մեկնարկել են 1000 զինծառայողների մասնակցությամբ զորավարժություններ։ ՌԻԱ Նովոստիի հաղորդմամբ՝ այս  մասին հայտնել է Կենտրոնական ռազմական օկրուգի մամուլի ծառայությունը։ «201-րդ ռուսական ռազմակայանի մոտոհրաձգային ստորաբաժանումների 1000 զինծառայողների մասնակցությամբ մարտավարական զորավարժություններ են սկսվել Տաջիկստանի Լյաուր և Սամբուլի լեռնաշղթաներում։ Վարժանքների ընթացքում անձնակազմը պետք է պաշտպանական և հարձակողական գործողություններ մշակի հետախուզական-հարվածային և կրակային համակարգերի կիրառմամբ՝ …

«Տպավորություն կա, որ Ռուբեն Ռուբինյանին ուզում են օժտել անձեռնմխելիության ևս մեկ շերտով․ հանկարծ չքննադատեք, որովհետև նա բանագնացն է: Չպետք է քննադատել, թե նա ինչ օրակարգով է բանակցություններ վարում, ի՞նչ իրավակարգավորումներով է նշանակվել»,- ԱԺ լիագումար նիստում անդրադառնալով ՀՀ-Թուրքիա երկխոսության հայկական կողմի հատուկ ներկայացուցիչ, ԱԺ փոխնախագահ Ռուբեն Ռուբինյանի մասին ընդդիմության քննադատություններին ու իշխանական պատգամավորների դիտարկումներին՝ այս մասին …

«Ադրբեջանը ոտնահարելով միջազգային բոլոր հիմնական նորմերը և՛ մարդասիրական, և՛ մարդու իրավունքների  նորմերը և մարդկանց՝ քաղքացիներին ու զինծառայողներին պահում է որպես պատանդ»,- 2021թ. ամփոփիչ ասուլիսում այս մասին նշեց Արցախի պետական նախարար Արտակ Բեգլարյանը: «Տարբեր փաստերի հիմնա վրա կարող եմ պնդել, որ Ադրբեջանը մեր քաղաքացիների մի մասին թաքցրած է պահում՝ որպես պատանդ, նույնիսկ որպես ստրուկ: Մեր հայրենակիցներին …

2021-ին պարզ դարձավ, որ 2020-ին Ազգային վիճակագրական ծառայության և Առողջապահության նախարարության ներկայացրած կորոնավիրուսից մահվան թվերի տվյալներում էական տարբերություններ կան։ ԱՎԾ-ի տվյալներով՝ 2020 թվականին կորոնավիրուսից մահացել է 3405 մարդ, իսկ ԱՆ Հիվանդությունների վերահսկման և կանխարգելման ազգային կենտրոնի տվյալներով՝ 2828 մարդ։ Այս հարցը Կառավարության նիստերից մեկի ընթացքում բարձրացրել էր Նիկոլ Փաշինյանը՝ Դատախազությանը հանձնարարելով պարզել՝ իրականում այստեղ չարամտություն …

«Ամբողջությամբ պայմանագրային զինծառայության չենք անցնելու, զորակոչ լինելու է»,- 2021թ. ամփոփիչ ասուլիսում այս մասին նշեց Արցախի պետական նախարար Արտակ Բեգլարյանը: «Քննարկումներ էլ չկան, որ զորակոչ չլինի»,- նշեց Բեգլարյանը: Նա նաև հավելեց, որ ոստիկանական զորքերն ընդգրկվելու են և՛ ներքին անվտանգության պաշտպանության հարցերում, և՛ անհրաժեշտության դեպքում նաև արտաքին անվտանգության պաշտպանության հարցերում: Մանրամասները՝ տեսանյութում:

«Ուղիղ կոնտակտ ունենք միջազգային որոշ կազմակերպությունների հետ, փորձում ենք ինչ-որ խողովակներով մեր խնդիրների ու մտահոգությունների մասին հայտնել, բայց դրանք շատ դեպքերում ոչ ֆորմալ շփումներ են»,- նախորդ տարվա ամփոփիչ ասուլիսում այս մասին նշեց Արցախի պետական նախարար Արտակ Բեգլարյանը: «Հիմնական շփումները տեղի են ունենում ՀՀ պետական մարմինների, հատկապես դիվանագիտական կորպուսի խողովակով: Պատերազմից հետո Արցախի միջազգային մեկուսացումը ավելի …

«Քաշաթաղի և Քարվաճառի հանձնումից հետո սահմանամերձ բնակավայրի կարգավիճակ են ստացել Սյունքի, Գեղարքունիքի, Վայոց ձորի մի շարք բնակավայրեր, այս իրավիճակում ևս 1-2 կմ հետ գնալը ոչ միայն կորուստ է հայրենիքի, այլ խնդիր է նաև ռազմավարական և ռազմական տեսանկյունից»,- այս մասին այսօր ԱԺ-ում լրագրողների հետ զրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ անդրադառնալով ԱԳՆ հայտարարությանը, …

Մեդիա կենտրոնում մեկնարկել է փորձագիտական քննարկում՝ «ՀՀ Սահմանադրությունը և դատական իշխանությունը» խորագրով: Բանախոսներ՝ Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ, Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ։ Քննարկումը վարում է «Իրավունքների պաշտպանություն առանց սահմանների» ՀԿ իրավական հարցերով փորձագետ Հասմիկ Հարությունյանը։

«Այս պահին 2862 բնակարան կառուցման փուլում է գտնվում՝ չհաշված անցած տարվա ընթացքում հատկացված բնակարանները: Ազատ բնակֆոնդից անցած տարի 467 բնակարան արդեն պատրաստվել էր՝ չհաշված նորակառույց շենքերը, բնակարանները, որոնց մի մասը տրամադրվել են»,- այս մասին ամենամյա ամփոփիչ ասուլիսի ժամանակ նշեց ԱՀ պետնախարար Արտակ Բեգլարյանը: Նրա խոսքով՝ արդեն մեկնարկել են նաև վարկային և դրամաշնորհային ծրագրեր: «Որպեսզի տեղահանված …

Ըստ ոստիկանության օպերատիվ հաղորդագրությունների ամփոփագրերի` հունվարի 17-ից 18-ը Հայաստանի Հանրապետության ոստիկանության ստորաբաժանումները բացահայտել են հանցագործության 72 դեպք, որից 1-ը՝ նախկինում կատարված. տեղեկացնում են ՀՀ ոստիկանությունից: Մասնավորապես՝ անձնական ունեցվածքի գողության՝ 31, թմրամիջոցի հայտնաբերման և ընտանեկան բռնության՝ 7-ական, մարմնական վնասվածք պատճառելու, խարդախության ու հարկերից խուսափելու՝ 4-ական, յուրացնելու կամ վատնելու՝ 3, պաշտոնեական լիազորությունների չարաշահման՝ 2, բռնաբարության կամ բռնաբարության …