ՀՀ ֆինանսների նախարար Տիգրան Խաչատրյանն այսօր՝ նոյմբերի 11-ին աշխատանքային քննարկում է ունեցել Համաշխարհային բանկի խմբի ներկայացուցիչների հետ: ՀԲ պատվիրակությունը գլխավորել են ՀԲ Հարավային Կովկասի տարածաշրջանային տնօրեն Սեբաստիան Մոլինեուսը եւ ՀԲ Երեւանի գրասենյակի տնօրեն Կարոլին Գեգինատը․ տեղեկացնում են գերատեսչությունից։ «Նախարար Խաչատրյանը, ողջունելով հյուրերին, բարձր է գնահատել Համաշխարհային բանկի հետ ծավալած արդյունավետ համագործակցությունը եւ վերահաստատել կառավարության պատրաստակամությունը՝ …

Քանի որ վերջին շաբաթներին ՀՀ տարբեր բարձրաստիճան պաշտոնյաներ և պատգամավորներ տարբեր թվեր են ներկայացնում 2020 թվականի 44-օրյա պատերազմից հետո Ադրբեջանի կողմից զավթված ՀՀ ինքնիշխան տարածքի մակերեսի վերաբերյալ՝ Factor.am-ը գրավոր հարցմամբ դիմել էր Պաշտպանության նախարարություն՝ խնդրելով հստակեցնել, թե 2020 թվականի նոյեմբերի 9-ից հետո Ադրբեջանի ԶՈւ-ն Հայաստանի Հանրապետության միջազգայնորեն ճանաչված տարածքից քանի՞ քառակուսի կիլոմետր է զավթել։ «Ներկայում …

Այսօր Շիրակի մարզի Անի խոշորացված համայնքում կկայանա ավագանու անդրանիկ նիստը, որի ժամանակ էլ կընտրեն համայնքապետ։ «Հայկական երազանք» կուսակցությունը, որը ստացել է ընդամենը երեք մանդատ, չի մասնակցի նիստին՝ այսպիսով ցույց տալով, որ չի միանալու մյուս երկու քաղաքական ուժերից և ոչ մեկին։ Այս մասին մեզ հետ զրույցում հայտարարեց «Հայկական երազանք» կուսակցության ցուցակը գլխավորող Ագուն Սաղաթելյանը։ Հիշեցնենք, որ …

Աշխարհի խոշորագույն հումքային բորսաների նոյեմբերի 10-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 1.01%-ով և կազմել 86.70 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 1.29%-ով և կազմել 93.90 դոլար: Նավթի չափման միավորը բարելն …

«Այսօր՝ 20:00-ին, ուղիղ եթերում կպատասխանեմ Հանրային հեռուստաընկերության հարցերին»,- ֆեյսբուքյան գրառմամբ տեղեկացնում է ՀՀ վարչապետ Նիկոլ Փաշինյանը։ Հիշեցնենք, որ վերջին անգամ Հ1-ի հարցերին վարչապետը պատասխանել էր ս․թ․սեպտեմբերի 30-ին։

«Ճանապարհային դեպարտամենտ» հիմնադրամը տեղեկացնում է, որ նոյեմբերի 9-ին՝ ժամը 9։30-ի դրությամբ, Սևանի, Գավառի, Մարտունիի և Ճամբարակի տարածաշրջաններում ձյուն է տեղում։ Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: Միջպետական և հանրապետական նշանակության բոլոր ավտոճանապարհները բաց են: Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել ձմեռային անվադողերով:

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները նոյեմբերի 10-ի լույս 11-ի գիշերը կրակ են բացել Արցախի Հանրապետության Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։ Այս մասին հաղորդագրություն է տարածել ԱՀ ՊՆ մամուլի ծառայությունը։

ՀՀ կրթության, գիտության, մշակույթի և սպորտի նախարարության աջակցությամբ Պ. Չայկովսկու անվան միջնակարգ երաժշտական մասնագիտացված դպրոցի աշակերտները Ֆրանսիայում մասնակցել են հայ-ֆրանսիական պատանեկան նվագախմբի համերգներին․ տեղեկացնում են ՀՀ ԿԳՄՍՆ-ից։ Ֆրանսիայի Նիս, Լիոն, Վալանս, Գրենոբլ, Ռոման քաղաքներում հայ-ֆրանսիական պատանեկան նվագախումբը հանդես է եկել համերգներով: Հայ մասնագետների մասնակցությամբ կազմակերպվել են նաև վարպետության դասեր: Վալանս քաղաքի քաղաքապետի հրավերով պատանի հայ …

Հայաստանը սամբոյի աշխարհի 2022 թվականին առաջնությանը կմասնակցի 8 մարզիկով․ այս մասին հայտնում է ֆեդերացիան: Մարզական սամբոյում մեդալների համար կպայքարեն Տիգրան Կիրակոսյանը (58 կգ), Մաքսիմ Մանուկյանը (64 կգ), Կառլեն Մահինյանը (71 կգ), Ալեքսան Ստեփանյանը (79 կգ), Դավիթ Գրիգորյանը (88 կգ) եւ Արսեն Խանջյանը (98 կգ), իսկ մարտականում` Ավետիք Պողոսյանը (79 կգ) եւ Արման Ավանեսյանը (98 կգ): …

Բրյուսել աշխատանքային այցի ընթացքում Մարդու իրավունքների պաշտպան Քրիստիննե Գրիգորյանը հանդիպել է Բելգիայի ֆրանսախոս և հոլանդախոս Դաշնային օմբուդսմաններին․ տեղեկացնում են ՄԻՊ աշխատակազմից։ Հանդիպման ընթացքում տիկին Գրիգորյանը ներկայացրել է Պաշպանի հաստատության մանդատը, լիազորություններն ու գործունեության առաջնահերթ ուղղությունները: Բելգիայի հոլանդախոս օմբուդսման Դեյվիդ Բաելը ներկայացրել է Բելգիայի օմբուդսմենական հաստատության գործունեության առանձնահատկությունները, ինչպես նաև անդրադարձել հաստատության կողմից քաղաքացիական ծառայողների բարեվարքության …