2022 թվականի հուլիսի 1-ից ուժի մեջ է մտել «Անկանխիկ գործառնությունների մասին» ՀՀ օրենքը, որի շրջանակում Երևանի համայնքային բյուջե կատարվող ցանկացած վճարում պետք է լինի միայն անկանխիկ ձևով: Համայնքային բյուջեի նկատմամբ տեղական հարկերի, տուրքերի և վճարների գծով ձեր պարտավորությունները կարող եք իրականացնել առցանց՝ www.Yerevan.am կայքի էլեկտրոնային ծառայություններ բաժնում, ինչպես նաև հետևյալ բանկերի և վճարահաշվարկային կազմակերպությունների բջջային …

Չեխիան դարձել է ԵՄ անդամ ևս մեկ երկիր, որն արգելում է Ռուսաստանի քաղաքացիների մուտքը, նույնիսկ եթե նրանք ունեն վավեր տուրիստական վիզա, որը տրվել է Շենգենյան այլ երկրի կողմից: Չեխիայի ԱԳ նախարար Յան Լիպավսկին ասել է, որ որոշումն ուժի մեջ կմտնի հոկտեմբերի 25-ից, գրում է VOA-ն։ Պաշտոնյան պարզաբանել է, որ այն կտարածվի Շենգենյան գոտուց դուրս գտնվող …

ԵԽԽՎ Հայաստանի հարցով համազեկուցողները հանդես են եկել հայտարարությամբ, որով Ադրբեջանին կոչ են արել անհապաղ դուրս բերել ուժերը Հայաստանի բռնազավթած տարածքներից և ազատ արձակել բոլոր ռազմագերիներին։ Նրանք նաև մտահոգություն են հայտնել Ադրբեջանի զինված ուժերի կողմից իրականացված ռազմական հանցագործությունների մասին ստացվող տեղեկությունների վերաբերյալ։ «Մենք անհանգստացած ենք Ադրբեջանի զինված ուժերի կողմից ենթադրյալ ռազմական հանցագործությունների կամ անմարդկային վերաբերմունքի մասին …

Այսօր Փարիզի քաղաքային խորհուրդը միաձայն ընդունեց բանաձև՝ ի պաշտպանություն հայ ժողովրդի։ Այս մասին տեղեկանում ենք Ֆրանսիայում Հայաստանի դեսպանությունից։ «Բանաձևով Փարիզը դատապարտում է Հայաստանի ինքնիշխան տարածքի նկատմամբ Ադրբեջանի ագրեսիան՝ որակելով ադրբեջանական ագրեսիան որպես միջազգային իրավունքի և մարդու իրավունքների կոպտագույն խախտումներ։ Փարիզի քաղաքային խորհուրդը կոչ է անում Ֆրանսիայի կառավարությանը կիրառել պատժամիջոցներ Ադրբեջանի ղեկավարների նկատմամբ»,-նշված է հաղորդագրության մեջ։

ՀՀ ՊՆ-ն հաղորդագրություն է տարածել առ այն, որ Ադրբեջանի պաշտպանության նախարարության տարածած հաղորդագրությունն այն մասին, թե իբր հոկտեմբերի 13-ին՝ ժամը 15:15-15:50-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել հայ-ադրբեջանական սահմանի հարավ-արևելյան հատվածում տեղակայված ադրբեջանական դիրքերի ուղղությամբ, ապատեղեկատվություն է:

Թեև Հայաստանում տեղակայված է ռուսական ռազմաբազա և հայ-ադրբեջանական սահմանին ռուս զինծառայողներ են, այդուհանդերձ, դա չի զսպում Ադրբեջանին ռազմական ագրեսիա իրականացնել ՀՀ-ի նկատմամբ։ Պրահայում Փաշինյանի և Ալիևի հանդիպմանը որոշվել է հայ-ադրբեջանական սահմանին տեղակայել մինչև 50 եվրոպացի դիտորդներ՝ սահմանազատմանը և վստահության ամրապնդմանը նպաստելու։ Օրերս ԵՄ-ից Հայաստան կգա տեխնիկական խումբ՝ հստակեցնելու առաքելության տեղակայման վայրերը։ Երկու ամիս ժամկետը կարող …

Վրաստանի նախագահ Սալոմե Զուրաբիշվիլին, արձագանքելով Ուկրաինային աջակցող ՄԱԿ-ի բանաձևի ընդունմանը, ասել է, որ Վրաստանը կանգնած է Ուկրաինայի կողքին։ Այս մասին գրում է Aliq Media-ն։ «Ահա թե ինչ տեսք ունի համաշխարհային համերաշխությունը։ Վրաստանն այս համերաշխության մի մասն է»,- նշել է Զուրաբիշվիլին։ Ի դեպ, ՄԱԿ-ի Գլխավոր ասամբլեայի արտահերթ նստաշրջանում 143 կողմ, 5 դեմ ձայներով քվեարկվել է բանաձև, …

Հայաստանի Հանրապետության քննչական կոմիտեի կարգապահական հանձնաժողովում քննարկվել են ինքնավար պաշտոն զբաղեցնող մի շարք անձանց նկատմամբ, քրեադատավարական նորմերի և ներքին կարգապահական կանոնները խախտելու հիմքով, «պաշտոնից ազատում» կարգապահական տույժ կիրառելու վերաբերյալ` Քննչական կոմիտեի նախագահի միջնորդությունները: Այս մասին տեղեկանում ենք ՀՀ Քննչական կոմիտեից։ Հիշյալ հանձնաժողովի որոշումների հիման վրա ինքնավար պաշտոն զբաղեցնող երեք անձ ՀՀ քննչական կոմիտեի նախագահի համապատասխան …

Անշարժ գույքի շուկայում այս տարվա ընթացքում տեղի են ունեցել էական փոփոխություններ․ ֆեյսբուքի իր էջում գրել է ՀՀ էկոնոմիկայի նախարար Վահան Քերոբյանը։ «Բազմաբնակարան շենքերում այս տարվա սկզբին եղել է 462,129 բնակարան, որից հունվար ամսին չբնակեցված է եղել 70,827 (15.32%), իսկ արդեն օգոստոսին՝ 62,066 (13.43%)։ Երևանում՝ 266,284 բնակարանից հունվարին չբնակեցված է եղել 28,692 (10.77%), իսկ օգոստոսին՝ 23,350 …

Համաշխարհային բանկի նախագահ Դեյվիդ Մալպասը հայտարարել է, որ բանկը մինչև հոկտեմբերի վերջ պատրաստ է Ուկրաինային հատկացնել ևս 530 միլիոն դոլարի վարկ: «Արմենպրես»-ի հաղորդմամբ՝ այս մասին հայտնում է  Reuters-ը: Այս հատկացումից հետո բանկի՝ Ուկրաինային հատկացումներն այս տարի կհասնեն 11 մլրդ դոլարի: