07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
Ակնկալում եմ, որ հաջորդ երկուշաբթի ասեք՝ որ ուղղությամբ քանի ավտոբուս է երթուղի դուրս գալիս․ Տիգրան Ավինյան․ ՏԵՍԱՆՅՈՒԹ
Տնտեսություն
27.03.2023 | 10:58
«Տրանսպորտի վարչության կողմից հայտարարված բոլոր մրցույթները կայացել են, բացառությամբ հետիոտնային կանչի ռեժիմով աշխատող լուսացույցների նախագծման աշխատանքների»,- տեղեկացրել է Երևանի քաղաքապետարանի տրանսպորտի վարչության պետ Հայկ Սարգսյանը։ Նրա խոսքով՝ այդ մրցույթը չի կայացել մասնակից չլինելու պատճառով։
Խոսելով գծանշման աշխատանքներից՝ նա շեշտել է, որ այս շաբաթ համաձայնագիր կկնքվի, և բարենպաստ եղանակային պայմանների դեպքում հաջորդ շաբաթվանից կսկսվի իրականացվել։
Անդրադառնալով մայրաքաղաքի նոր ավտոբուսների շահագործմանը՝ Սարգսյանը տեղեկացրեց, որ շաբաթ-կիրակի «Երևանտրանսի» տարածքում վարորդները նախապատրաստական փուլ են անցել: 80 վարորդ գործնական ու տեսական պարապմունքներից ստացել են դրական եզրակացություն. «Վարորդների համալրման աշխատանքները դեռ շարունակվում են, վարորդների թափուր տեղեր դեռ ունենք, բայց դա մեզ չի խանգարի, որ ապրիլի սկզբից ունենանք երթուղիներ, որոնք սպասարկեն բնակչությանը»։
Տիգրան Ավինյանը հանձնարարեց մինչև հաջորդ գործակարգավարական նիստն ունենալ հստակ ժամանակացույց. «237 կանգնած ավտոբուս ունենք, և պետք է խնդրեմ հաջորդ գործակարգավարական նիստին ներկայացնել ամբողջ ծրագիրը… Ակնկալվում է՝ կոնկրետ ուղղություններով հայտարարեք, թե քանի ավտոբուս է մտնում և ինչ ժամկետով»:
Մանրամասները՝ տեսանյութում:
