15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Գործակարգավարական նիստերը կվարի Տիգրան Ավինյանը․ պնդում է՝ աշխատանքի բաժանում է եղել․ ՏԵՍԱՆՅՈՒԹ
Քաղաքականություն
27.03.2023 | 10:15
Գործակարգավարական նիստերը հիմնականում կվարեմ ես: Այս մասին այսօր Երևանի քաղաքապետարանում գործակարգավարական նիստի մեկնարկին հայտարարեց փոխքաղաքապետ Տիգրան Ավինյանը՝ հավելելով, որ մյուս փոխքաղաքապետերի հետ աշխատանքի բաժանում են արել:
«Դեռևս նախորդ տարվանից սկսած Մալբրի համակարգի ներդրմամբ մեր ծրագրերի կառավարման ընթացքը էականորեն բավարարվել է: Մենք անցել ենք հաջորդ փուլին՝ ներդնելու ենք պրոյեկտների կառավարման ճկուն համակարգ, որը մեզ թույլ է տալու ենթածրագրերով, ենթաբաժիններով, ժամկետներով հետևել ամեն անհատական ծրագրին: Պարոն Մաչյանը հիմնական պատասխանատուն է լինելու:
Եվս մեկ նորամուծություն, որն իրականացնելու ենք՝ նոր նախագծերը հանրային քննարկման հարթակում են դրվելու. այն նախագծերը, որոնք վերաբերում են այգիներին, ծառերին»,- նշեց Ավինյանը:
Հիշեցնենք՝ մարտի 17-ին Երևանի քաղաքապետի պաշտոնից հրաժարական է տվել Հրաչյա Սարգսյանը: Քաղաքապետի պարտականություններն այս պահին կատարում է առաջին փոխքաղաքապետ Լևոն Հովհաննիսյանը:
Մանրամասները՝ տեսանյութում:
